بصراحه ماعرف من وين ابتدي بس انا وااايد تعبانه ومضايقه من هالمشكله مع ريلي ,, ريلي مايحب يطلع يحب هو بس يطلع ويا ربعه ,, يقولي بس تطلعين يوم الجمعه وانا صراحه اتضااااااااااااااااااااااااايق من قعدة البيت وهو ولا هامه واذا طلعنا السوق ولا الجمعيه يتم طول الوقت يتأفف ويتحرطم ويالله بسرعه خلصي يخليني اكره اطلع معاه ,, اذا هو ماوداني محد مجبور يوديني بصراحه نا استحي اقول لاخوي تعال ودني المكان الفلاني يقولي وين ريلج …؟
حتى زيارات مايحب يوديني ربيعتي فوق ال 4 مرات يتني وانا ماعمري زرتها ف بيتها وقاعده اترجاه يوديني ولا رضا
انا كثييييييييييير مضايقه من هالريال ماعرف شو اسوي معاه
واذا تضايقت منه اطنشه مارمسه بس ياليته يحس
شو اسوي معاه بنات انصحوني ارجوكم …؟؟؟
هو اليوم ساير الشارقه الصبح عنده شغل خاطري اتصل فيه اطمن عليه بس قلبي مضايق منه مو قادره ×_×
ابغي نضايحكن لي يالغاليات ادري مابا تقصرن ..
إن شاء الله البنات يفيدونج بهالموضوع ولو عندج ليسن وسياره واايد بترتاحين
اذا ودااج وتحرطم قوليله الله يخليك لي وتوديني دوم ^^
واذا ماا ودااج فعتمدي ع نفسج والاحسن انج تااخذين الليسن مثل اغلب الحريم
واذا ريلج من النوع الي ماا يحب حرمته تطلع وتزور الحريم فالاحسن انج
تخلين زياارة ربيعاتج عندج وأكيد ربيعااتج بيتفهمن الوضع الي انتي فيه
عزيزتي هذاا حاال واايدات لكن بالصبر والاستغفاار بيعتدل الحاال ان شااء الله تعاالى ^^
الله يحنن قلبه عليج ويسخره لج ياارب