المشكلة مشكلة بنت خالي يحليلها شافتني منزلة كم مشكلة بالمدونة لصديقاتي
فحبت انزل مشكلتها علشان تساعدوها وتدعون لها
ريلها دوم يقارنها باختها المتزوجه واللي اصغر منها
يقولها اختج احلى منج ومهتمة بعيالها مو شراتج مهملة لا جمال ولا شي
قالت يمكن بس مجرد مقارنة
في يوم راحو يشوون على الكورنيش خواتها كلهم وريايللهم
فهو تم يسولف مع اختها ويضحك واختها على نياتها تكلمه
لما رجعوا البيت واجهته قالت له انت تحب اختي
قالها هيه احبها
قلبها عورها وماعرفت شو ترد عليه
نصحتها تهتم بعيالها وتهتم فيه بس الله يهديها ما تحب تتحنى وتصبغ شعرها
ماتعرف شو تسوي
ساعدوها لو بدعوة
انا مول ماحب اشوف وحده مهمله و مهمله عيالها و عمرها !! كيف اذا الزوج !! يعني هي السبب الصراحه اذا ريلها سار برع .. المفروض من البدايه من قام يلمح لها تغير عمرها و طريقتها ماتكون مهمله .. والله يا ما بيوت انهدمت بسبب الاهمال !! 
الله يهديها سامحيني اذا اسلوبي شوي فيه دفاشه بس انقهرت حرام تهدم بيتها بإيدها !!
و بعدين المفروض ماتخلي ريلها يخالط خواتها .. اذا بيطلعون الحريم روحهم و الرياييل روحهم .. الله يهدي ريلها و يهديها ..
بس نصيحه صدق لوجه الله يا صاحبة المشكله .. لا تكونين مهمله بتندمين صدقيني ..
كيف جذي اميه خليها تكشخ وتتعدل وديها الصالون الظاهر انه ريلها يحب
اللي تكشخ وتدلع الصراحه لاتلومنهم اذا شاف وحده من برع بس هذا صدمها وحب اختها يارباااه
والعيال بعد رتبوهم وكشخوهم حرام جذي ترا هذا هو الحل انه تهتم بنفسها وبعيالها الله يهديهم
لانه الرياييل انوااع وشخصياات مختلفه .. وانتي ادرى بريلج شو يحب وشو يشده !!
الحرمه هي الي تجذب الريااال وهي الي تنفره منهاااا ^^
وبيتج خليه مملكه فيه الرااحه والهدوء والنظاافه .. وعياالج علميهم من صغرهم ع الترتيب والهدوء فديتج
وخففي من الطلعاات مع خوااتج يوم تكونين مع ريلج قد ماا تقدرين .. لان الاختلاااط لو فيه خير شاان مااحرمه ربج
الله ايسر امورج ويسعدج عنووني
وين الحمو المووت !! وين الناس اللي تعرف الصح من الغلط !
بعدين هي شافها ما تهتم ف روحها شاف اختها اقرب ..
مالها الا تتعدل و تملي عينه شكله يحب الزين و من ما يحب الزين !
على الاخت صاحب المشكله تكثر من الدعاء والله يصبرها
تحاول ما تفتح معاه اي سالفه عند اختها وتحاول تغير من نفسها اذا هو يحب التغيير والله يوفقها ويوفق الجميع.
الله يهدي ريلهاآ ولو بيتغير بمجرد ما تتعدل له فألافضل انهاآ تسررع وتتعدل له وتكشخ له وان شاآء الله ماآيشوف غيرهاآ ويغض البصر عن اختهاآآ ,