ريلي و انفلونزا الخنازير ..و المدرسه !! التدريس الاماراتي

السلام عليكم

طبعا الاسبوع الياي دوام المدارس الخاصه

بنتي ان شاء الله بتدخل كي جي 1 في مدرسه الشويفات فرع راس الخيمه

ريلي رافض انه بنتي تدوام …ما يباها موول تسير المدرسه لين السنه اليايه …..خايف عليها

خصه انه المدارس ا مب ماخذه احتياطتها

اتصلت المدرسه اليوم ..سألتها شو احتياطاتكم ..قالت ما شي ..ما عندنا اي احتياطات …

قلتلها ليش ؟ ردت علي و الله ما يانا شي من الوزاره …بس اذا يانا طفل مريض بنتصرف ..

قلتلها بس هالمرض ينتشر بسرعه ….و مناعه الياهل ضعيفه ..سكتت ما عرفت شو ترد ..

طبعا انا رديت عليها اني بأخر بنتي اسبوع ..قالتلي انتي تتحملين المسؤوليه ..

مب عارفه شو الحل ..انا باجر بسير المدرسه ..و باخذ اللبس و الكتب ..و ريلي رافض

اللي بتفول الله الحافظ ؟؟صح ..بس لا تنسون فيه حالات ماتت ..و اكثر اللي يموتون اطفال

لانه مناعتهم ضعيفه ..

المفروض المدارس الخاصه تأجل دوام المداري للين يردون المسافرين ..في طلاب و مدرسين ما

يردون الا قبل الدوامات بيوم …

كلامج صحيح
انا بعد احااتي بنااتي
بس انا بغيبهم لين ياخذوا التطعيم و عقب بخليهن يدااومن ………..اهم شي صحتهم
و اله يحفظهم و يبعد عنهم الامرااض

كيف تامنين تطعمين بنتج .؟ هالتطعيم مب مجرب …و بيجربونه علينا ..انا بنتي اقل عن 5 سنين يعنوي ما يستوي اطعمها و حتى لو يستوي ما بطعمها لين يجربون الابر ..

والله نفس الحاله

انا ولدي بيدش كيجي2 فمدرسه الشويفات فبوظبي خليفه ا

وخااااايفه عليييييه موووووووت لانه فيه الربو وحساسيه وبسرعه يمرض ودوووم طاايح فالمستشفى

ماعرف شسوي

اتحملي على ولدج ..ترا اللي فيهم ربو هم اللي وايد يتعبون …انا باجر بمر المدرسه ..و بتصل في شويفات بوظبي و بحاول اكلم المدير …

شو رايكم كلنا نتصل …يمكن اذا شافونا حاشرين الدنيا يهتمون شوي ..

و الله يشافي ولدج و يعافيه ..و يبعد عنه الامراض

الله المستعان

حتي عبال أختي ما بيسيرون المدرسة
وقالت السنة اليايه أحسن