خواتي الغاليات أنا ما عندي مشكلة الحمدلله بس بغيت أشاوركن وافضفض ..
الله يسلمكن ريلي (أنا مالجه) عنده دورة 4 شهور يتم هناك طوول الاسبوع وينزل الويك اند وطبعا ما يقدر يكلمني ف الفون لانه ممنوع يشله ..
قبل ما تبدا دورته كناا وااايد مع بعض ع الفوون، صح مب 24 ساعة بس ع الاقل ف اليوم ارمسه 3 ساعات وجيييه باستثناء آخر 10 ايام قبل دورته كاان مريض وما يقدر يكلمني وايد ..
وهوو يوم الأربعاا الي مضى نزل من الحجز (كانو محجوزين شهر كامل) فـ االصراحه ضيق بي انه ما قال لي أول ما طلع من الدوام مع انه ما نام وولا شي، واتصل بي المغرب كلمني 10 دقايق وسكر
واطرش له مسجات ما يرد هذا ثاني شي، اتصل بي اليوم الثاني كلمني ربع ساعة وبعد سكر واليوم الظهر قبل ما يروح كلمني نص ساعة وبعدين تلاقى مع ربعه وانا ع الخط وسكرت عنه يوم شفتهم مندمجين ف السوالف وما رجع يدق لي ولا طرش مسج انه خلاص وصل المعسكر الا يوم طرشت له مسج أسئله :@
والله فيني حرررررررره لو أشوفه بكفخه خخخخخخ تراا عادي اتي مني مراات واكفخه هههههه
ورابع شي مضيق بي انه ما ياني يسلم علي 
(هو ولد خالي على فكرة بس مش مطيحينها دوم نشوف بعض نااااااادر) .. صح اني مااشوفه وايد قبل بس حتى ولووو
وو بغيت أخبركم ان عيد ميلاده خطف أثناء ما كان ف الحجز وراح عليه، بس أنا أصلا ماخذة له هديه وحاطه ف بالي اني بعطيه اياها المرة الياية يوم بينزل من الدوام وبفاجأه فيها 
، بس الحين شكلي بهوّن >> محد قال له يعصب بي
هههههه أدري انه عادي لانه اكيد انشغل بعد غيبة شهر بين اهله وربعه والشغلات اللي لازم يسويها، بس بعد تعرفون غيرة الحريييم .. عاااذرتنه بس بعد مب عايبني خخخخخ
شو رايكن وتعليقاتكن؟
وسمحن لي ع الحشرة :$
ادعوولنا ربي ييسرها ويجمعنا على خير 
اعذريه مابين الاحبه لوم وعتاب
الله يوفقج
وهو مب اخوج الصغير عسب تكفخينه
هههههههههههههههه
سبحان الله والحمد لله ولا اله الا الله والله اكبر
الله يسخره لج
ربي يوفجكم
واذا على انه مايقدر يرمس انتي حاولي تتصلين بين فترة وفترة والحين هو مايقدر يرمسج في دوام تقدرين كل ماتشتاقين له اطرشيله مسج واكتبي في المسج كل الي في خاطرج وشوفي هو كيف بيتغير له احسن ان شاء الله
ما انصحج اتسويله طاف ترا ريال يتعود انه مايرمسج خله يحس بوجودج في حياته
التمس لاخيك المسلم 70 عذرا
^6^