ريلي والعيال ساعدوني لتربية طفلك

السلام عليكم

لو سمحتوا خواتي بغيت شوركم

والله تعبانه من هالسالفة واحس وايد مضايقني

انا عندي بنت الله يحفظها بتدخل 8 شهور وما شاء الله عليها وايد معذبتني وما تاكل ولا تشرب حليب ولا تنام شرا الناس يعني خلاص طفرت منها

والمصيبة ريلي يحن علي وايد يبا عيال اقوله حور بعدها صغيرة وما عرف شو ومب راضي ابدا يقولي بس ابا ولد وخلاص بعدها ما ابا قلت يمكن ما اييب ولد قال ما عليه عاد اللي بعده يقول ابي ولد يشل اسمي ويسير وياي

عاد انتوا تعرفون شقد هم يحبوا الاولاد

والله تعبت مب راضي يفهم ابدا ولما تميت معانده تم زعلان ومضايق وما يرمسني ولما ارمسه يجاوب عادي بس ما له نفس ابد لي

وكل ما يسمع فلان ياه ولد يرد ويحن

ساعدوني شو اسوي والله ما ابي اللحين احس اللي عندي كافيني محد فاهمني فهالدنيا

الله يعطيج الي بالج ويرزقج بالولد الصالح

مشكورة اختي ع ردج والله يسمع منج ^^

مادام يبي ولد ماراح يفهم

خلي يجيبلج خدامه تساعدج واحملي شسوين

لا تتضايجين غناتي.

دامه يبي ولد خلاص توكلي ع ربج وبعدين الين تحملين بثاني وتربين

بتكون بنتج كبرت يعني بتكمل السنتين او أقل شوي.

خليه يب لج مربيه علشان تساعدج وأن شاء الله بتتيسر الأمور

نصيحه لا تكدرين عمرج ترا الدنيا حلوه.

والله يرزقج الذريه الصالحه.

كل شي بالتفاهم اختي

قوليله ان البنوته الله يحفظها لج بعدها صغيره على بال ما تدخل بالـ السنتين ع الاقل راح تفكرين بالحمل لان

تكونين فطمتيها من الرضاعه و بنفس الوقت حلو ان الواحد يباعد بين الولادات و ينظم نفسه و عياله

لان انتي الي بتهتمين فيهم بالنهايه من اكل و تربيه و هالشي بيكون صعب عليج لو كان عندج 2 اعمارهم متقاربه

حاولي تقوليله هالكلام بهداوه و لا تنفعلين وربي يسهل عليج ان شاء الله..

مشكوووورين خواتي الصراحه هو ما مقصر ف حقي ياب لي خدامه وشلت شغل البيت عني والحمد لله مرتاحه من هالناحية

وقالي احملي وما بتشوفي بنتج بخلي اهلي يهتموا فيها ولا بييب مربية عشانها بسوي اي شي بس احملي

بس انا مب راضيه وبنتي ما تشرب الحليب ابدا ابدا ولا تآكل الا بضرابة

تعبت