بليييييييييييييييييز
ابي حل راح اموت من القهر
تذكرون سالفتي مع ريلي اللي خاني
مع رفيجتي بالمسجات وهجرته وسكنت بيت اهلي
ماقام يسال عني وسافر
كنت اتغلى عليه عشانم يتادب
بس شكله نسى اني زوجته وسافر حتى
من دون لا يقولي
اخاف ينساني
ويتزوج علي ثانية
والله خايفة
ساعدوني
بس الله يعييينج والله
وصراحة ولا تزعلين
اللي ما فيه خير لاهله ما فيه خير للاخرين
اذا هو ناسي انه متزوج
وانت بعد شو اللي جابرنج تذكرين واحد ما حشمج ولا قدرج يا اختي
صح هي صعبة
ويمكن يتعدل بس الله يكون في عونج
وملفه صراحة اسود
اول شيء == خانج مع صديقتج
ثاني شيء == سافر ولا خبرج
شو بيسوي اكثر عن هذا
الله يهدية يا اختى
كان المفروض انج ما تواجهينه وتعرفين شو السالفه بالضبط وهو ليش خانج اولا …..
ثانيا الازم تعرفين اذا كانت العلاقه جديمه ولا جديده …….يعني قبل ام بعد الإرتباط فيج
ثالثا يا حبيبتي ليش من الأساس تطلعين من بيتج شو يخص البيت في المشكله وليش كل حد في العايله لازم يعرف انه في شي
كان المفروض تخلين كرت العايله هذا حق الأزمات الكبيره الي تحتاج وجودهم اما موضوع الخيانه فصار شي مستهلك يعني اذا كنت في الدوام او على النت او حتى تسمعين الإذاعه بتسمعين هذيل الحريم وهن يتشكن من خيانات ازواجهم
المهم ما علينا انتي طلبتي الحل وان شاء الله بقولج رايي وانتي شوفي شو بتسوين
اول شي طرشي مسج حق ريلج فيه عتاب خفيف ووله اونج ما تعرفين بسالفة سفره
حاولي تعرفين من خواته او امه او اخوانه متى بيرد البلاد
ردي البيت ورتبي بيتج ونفسج لإستقباله من دون ما يدري او يتوقع
يوم بيرد خلج هاديه واستقبليه عدل ولا تتكلمين في الموضوع مباشره وصدقيني مهما كابر هو متوله عليج مع انه واقولج اياها من الحين ما بيبين لج انه متوله عليج وانه فرحان لشوفتج وكأنج انتي الي المفروض تعتذرين وانتي الي غلطي عليه مب العكس
بس كوني كبيره بعقلج وحطي في بالج ريلج مش انسان مقواد بل هو انسان قيادي يعني انتي او اي شخص ثاني ما يقدر يفرض رايه بالإكراه عليه
اللين والسياسه ومكر الحريم ممكن اييبه اكثر وبسرعه اكبر
لازم تعرفين شخصية ريلج عشان تعرفين كيف تتعاملين معاه
لا تفتحين له المجال او تهيئين له الفرصه انه يفكر مجرد تفكير انه في وحده ممكن تستاهله اكثر منج
ردي بيتج وخلي عنج خبال الحريم هذا وكوني ذكيه وصبوره
بس اهم شي اوصيج فيه كثرة الإستغفار والدعء بالهدايه
بعدين يا عيوني اذكري محاسنه حتى بينج وبين نفسج سويه هيئة دفاع لا تخلين العناد والتسرع يهدم لج حياتج وفي المقابل تعرضين عرشج حق وحده وعلى طبق ومن ذهب
خليه يعرف انه زوجته عقلها كبير وتحبها
الله يهنيكم ويسعدج ياربي
ولي باعش بيعيه
انتي لا اول ولا اخر وحده تعاني من خيانه زوجها ان رجعتيله تراه بيتم يحرق دمج بتصرفاته
ما ادري الله يعينج والله يهديه ويصلحه
بعدين سالفة التهديد بالأهل او الخروج من المنزل لا تأتي بنتاج ايجابيه دائما بل نادرا ما تكون لها اي ايجابيه
الا تزيد النارحطب