اهلا وسهلا ..
اسميكن فضوليات فديت ريلي مب مقصر بس للحينه ماعطاني المليون كركركر
اليوم اكتشفت شي ضحكني موت موت الله يبعد عني وعنكم الشر ونساكم الموت
تصدقون اليوم اخت ربيعتي قعدت تضحك وتقولي انها هي وخواتها مسوين شله
ويقعدون يكتبون مآسي ومشاكل وانهم متزوجات وهم اصلا بنات .. والله ماصدقت
قالت شوفي فلانه في المدونة الفلاني .. هذي شواخ وتعرفين فلانه الي في مدونة
سيدات امارات .. قلتلها هي اعرفها هاي العضوه قالت هاي فطوم .. مسويه
عمرها متزوجه وريلها يطرشلها مسجات وهدايا سياره و سفره ومادري شنو
وتيمع صور من فلكر تبطله بروكسي وتحط حق البنات عشان تقهرن
قلتلا حرام جي يسون جذه قالت بس يتسلون ويحرقون اعصاب البنات يعني سبحان
الله طلعت هوايه جديده اسمها حرق اعصاب الناس وقهرهم ، عاد ماستغربت من
يومين شايفه موضوع هين في سيدات الامارات نسيت اي قسم وحده تقول تبون
تضعفون ايلسو سوو مشاكل واتضاربو مع
الناس فالمدونة وطلعو سوالف واقهروهم .. وبتنشغلون عن الاكل لأنها هي جي تسوي !
شورايكم في هالظاهره انا قمت اشك انه مب كل شي ينكتب صح؟
_ سامحيني صديقتي لني فضحت سركم بس ماهانو علي البنات _
ليش جي يسسسسون .. هذا كله من الفراغ .. الله المستعان بس
إن شاءالله .. ومع الايام بيهن اللى يحرق اعصابهن
وبيتذكر .. شو سووون فالبنات ..
الله يعطيهن العقل والرزانه
^^