ريلي بيي من السفر وما اعرف كيف استقبله… عالم الامومة

خواتي بغيت منكن تقترحن علي شوية افكار ريلي الاسبوع الياي بيي من الدورة ماخذ اجازة 4 ايام

وبعدين بيرجع مره ثانية لان الدورة اللي ماخذنها في دولة عربية وبيطول لين نص شهر 7 …المهم

ما اعرف شو ممكن اسوي اممممممممممممممممم…بخبركم شو سويت خلال هالاسبوع

1. سرت واشتريت شرشف يديد حق الشبرية بالوان باهيه ورويانه وااايد

2. خذت شوية اغراض حق الصاله من باب التغيير لانه عندي طاوله رئيسيه عوده فحبيت اغير الموجودات عليها وخذت بعد مفرش حلو

3. اشتريت مفارش حق التواليت مال غرفة النوم وسله انتيكه حق العطورات

4. خذت ست يديد حق الحمام (كرمتوا) وفرش وريحه طيبه

هذ بالنسبه للبيت او عش الزوجيه مع العلم اني عايشه في بيت اهله بس في ملحق ثاني

…اما بالنسبه حق فأنا حامل فس الشهر 3 وشكلي وااايد تعبان

ومصفر من الوحام فقررت اسير الصالون واسوي بدكير ومنكير حق ايدي واريولي..واسوي

حلاوة حق جسمي كامل …ومساج…وتريتمنت حق البشره…واخيرا حمام زيت واستشور شعري..

وبصراحه افكر اني اتحنى مع ان مالي بارض مووووليه…. وخلال الاسبوع الياي بحاول اسير اشتري

قميص نوم يديد…وما اعرف بعد؟؟؟؟؟

اذا في مجال تعاونوني علشان اظهر بافكار يديده

وين البنات و الافكار..

كيكه عليها صورته مثلا