ريلي بيرد من السفر ابا افكار منكم عالم الامومة

مرررحبا خواتي

ريلي بيرد ان شاء الله بعد ثلاث ايام من السفر وحبيت اسوي شي افاجأه بس ما اعرف شو اسوي شورايكم انتو عطوني افكاركم اكيد بتساعدني….

انشاء الله الخوات يفيدونج

اذا بيوصل على العشاء زهبي له العشاء ,اذا كانت سفرة من مكان قريب عادي وخذي وتعشوا برع
عسب الريل اهم شي عنده بطنه وعقب الحرمه

سوي عشااااء خفيف وتربي الغرفه شموع ورد ونجووووووم ورد مجفف ودخون وعطووور ولبس كشخه مثل تنوره وقميص ووقت النوم لبسي قميص نوم ماشافه عليج وسوي شعرج بااااااف ومكياج لبناني وركزي ع رمووووووش واااااو بتطلعين روووعه وبس واذا عندج عيال رقديهم من وقت وبس

وربي يرجعلج اياه بسلامه

هلا الغالية اول شي اسوين حمام مغربي وحلاوة وتحني وغيري قصة شعرج واصبغيه يعني ابدي بنفسج ثانيا غيري ترتيب الحجرة والصالة عشان يحس بالفرق ثالثا قميص نوم يديد والعيال رقديهم بسرعة اذا هو بيي متاخر واذا بيجدم عادي لا ترقدينهم حرام انزين ولبسيهم وعدليهم وبس ما يرزا بالتوفيج وتستاهلين سلامة ريلج والله يعوده بالسلامة

مشكورات خواتي على الردود والله يرده لي بالسلامة ان شاء الله

إذا بيرد أكيد بيكون تعبان
يعني زهبي له حمام دافي أو بارد على حسب مايحب ريلج طبعا وخليه كله عطر من عطرج يعني حطي ف الماي والحمام يكون نظيف ومرتب مافي شي غير الاشياء ألي بيستخدمها للحمام
وبعد ين تكونين مرتبة العشا أوبالعكس عشا وبعدين حمام
والاهم هو ترتيب الغرفة والبيت يعني غير ي مكان كل شي في البيت
وأكيد أنتي لج أنصيب الاكبر طبعا تعرفين الصبغ وسمكره يعني شغل الحريم له دور كبير