باجر ريلي برد من السفر الساعه 12 فليل عطوني افكار لان بجمعها مع يوم زواجنا لانه كان مسافر جمعولي الافكار وانا راح ارتبها..حطو ابالكم ان عندي بنوته اكيد بتخرب علي فديتها بروحها مشتاقة لابوها,,اانتظركم خواتي!!
حابه اساعدج شو اولا بما انه بيرد فليل اذا تركزي علي اللبس الي بتلبسينه له والغرفه لازم تعدلينها
عدل حتي ولو تغيرين اماكن الاثاث (مثل الشبريه والتسريحه والكبت ) وغيري الفراش وعطري ودخني وزيني ….
ثانيا: شو اللبس الي بتلبسينه ثاني يوم ولازم يكووووووووووووون كشخه واااااااااااااااااايد
ثالثا: لازم تشرفين علي احلي غدي وعصاير وحركاااااااااااات يعني
اتمني اني اكون افدتج
ادعولي انه الله يوفقني دنيا واخره يارب
والخوات مابيقصرن وياج ان شاء الله
انا سلمج الله بدلت و غيرت الحجرة مثل ما قالت الاخت لولو2009 و غيرت واااايد فالحمام عزج الله مثل الستارة و المدوسه وقلاصات المعجون و الفرش وفيه بعد لبس للمرحاض عز الله القارين 😛 وركبت لوح view فالحجرة و حتى فالحمام خذت براويز فاضيه و حطيت داخلهم قطعه نفس قطعة الستارة مالت الحمام بدال الصوره وعلقتهم و ها كله بتحصلينه فهوم سنتر و طبعا كله اطقم .. و لبست فستان و هالشي اقصد اللبس على حسب الوقت اللي بيوصل فيه ريلج من السفر بالسلامه ان شالله.. انا لبست فستان بسيط و حطيت ميك اب خفيف و استقبلته و يا اهله و طبعا كنت مدخنه الحجرة و امعطرة الفراش و صففت شموع ع كبر الحجرة بطريقه حلوه و كنت امجهزه قميص النوم بعد و امدخنتنه وبس 
والله يوفقج ان شالله
رقدي بنتج عسب تفتكين من حشره اليهال والصبح بتشوف ابوها وبتستانس فيه << سويت جي في بنتي اخر مره يوم ريلي رد من السفر ..
ماكنت حاطه شي في بالي بس قلت ياربي شو اسوي شو اسوي ..
تذكرت اني خامه شموع حمره من لايف استايل والورود الصناعيه اللي تيي من قماش ..
سويت قلب على ارضيه البيت بالورود ..
وحطيت اول حرف من اسمه بالشموع وكتبت تحتها احبك بالانجليزي بالشموع بعد ..
فاول مادش البيت هالشي كان جدامه وانا بعد كنت مشتريه لي لبس يديد لونه احمر (فالنتاين امسويه خخخخ) ..
طبعا ماولعت الشموع لين ما تاكدت منه انه خلاص وصل قريب ولعت الشموع وسكرت الليتات ودشيت الغرفه عسب يتم يدورني << حركات اوني خخخخخخخ
شي سمبل بس حلو … اهم شي انه عيبته الحركه وتم يغني حق عمره هابي بيرثدي تويو ويطفي الشموع ههههههههه
رد زوجي من السفر قبل يومين و اليوم عيد زواجنا ان شاء الله بحطي الموضوع بالصور
المهم
اول شي غيرت الكفر و اشتريت اباجورات يداد و طبعا السرير اللي عندي نظام امريكي بدون باك
حطيت بروازين صيني و يا المعاليق الصينية الصغار اكيد شايفينهم في القرية
و اممممممممم و اتعرفين ورق السولوفان اللي يلفون فيها الهدايا اشتريت اربع امتار و قصيصتهم ع عرض خلفية السرير و كتبت عليه الى زوجي الحبيب …………….. الف حمد الله ع السلامة نورت البيت
و حطيت فوقهم سلاسل ستارة اتعرفونهم اكيد
و بعد كتبت ع نفس الورق " اللهم انك اعطيتني خير احباب في الدنيا دون ان أسالك فلا تحرمنى من صحبتهم لا في الدنيا و لا في الآخرة" و علقيتهم ع المراية مال التسريحة
و بعد نفس الورق كتبت الحمد لله ع السلامة يا بابا نورت البيت يا بابا و خليت بنتي تكتب بخطها و علقناه ع مدخل البيت
و حفظت الصغارية جملتين مع التمثيل اول ما يدش عليهم ابوهم نفس اللي فوق طبعا لبسيتهم 3 ثلاثتهم نفس الشي اعمارهم 9 و 4 و 1 و سويت شعرهم نفس الشي بعد
والله استانس
طفيت نور الحجرة و خليت بس الاباجورا والعه والله استانس ابو الشباب
اما عن نفسي فلبست قميص كويتي فيه شغل ع الرقبة و الصدر و بنطلون و غيرت مكياجي و الروج بعد لانه متعوده ع اللون الهادي فحطيت احمر هاهاهاه
و لبست الاكسسورات و سويت شعري و استقبلناه بالدخون
اما بالنسبة للعشا فالصراحة ما عندي وقت اسوي
فطلبت له عيش محشي بالدجاج و حمص باللحمة و عرايس و سوينا في البيت صينية الخبر بالدجاج في الفرن
و طلبت له من قيصر سلطة قيصر و رسمالاي لانه يحبه
و طبعا و اشوي اهله كلهم يايين
هاهاه
اما بالنسبة لعيد زواجنا اليوم فهو و لا شي ع اساس باجر ان شاء الله بنطلع الفندق و بخبركم شو بسوي هاهاهاهه
قولوا ما شاء الله