ريلج قول بدون فعل عالم الامومة

السلام عليكم

لما تأخذين واحد وتندمين لإنج خذتيه هو صحيح مافي حد كامل وكلن وله عيوبه وكنتي. تسمعين أن فلان آلي هو ريلج ما يتحمل مسؤلية شيء بس تقولين لا أنا بغيره للأحسن بس للأسف ما تلقين منه الا الكلام كلام بدون فعل يوعدج ب إشياء وما يسويها واول ما تناقشيه ليش ما سويت جي ما يأخذ الموضوع بجديه ويعطيج موعد يديد ويقولج بسويه وأيي الموعد ؤما يسوي هالشي هو زين بس ما يتحمل مسؤليه شيء عايش يومه وبس ما يفكر فقدام مممم مثلن يدرس من 6سنين ف الجامعه بس للحين ما خذ الدبلوم خسارة بيزات ع الفاضي ممم يوعدج بيسلج ف الدوره الفلانيه أو بيسويلج الشي الفلاني تكلفته بسيطه ويقدر عليها ؤانتي تترين بالأشهور وكلما تذكرينه يقولج حاضر بأجر ؤلا السبوع الياي ؤما يسوي شيء واحيانن ما تكون فيها تكلفه بس بعد يوعد ويوعد ؤما يسوي كيف تغيرين هالريال كيف تخلينه قد كلمته كيف تخلينه قول وفعل وتفهمئنه إذا هو ما قد هالشي لا يوعد ويخلينا نتريا ونبني آمال واحلام .. الله يعينا بس ع هالريايل الله يهديهم ويصلح بالهم

الغالية يبالهم صبر و معرفة شخيصيته انصحك تتابعين الدكتور طارق الحبيب بتلقين الفديوهات ماله على يوتيوب وايد بتستفيدي

والله يسهل امرك

قلبتي المواجع
بأنتظار ردود البنات

جنج ترمسين عن ريلي خخخخخ طاف بعد شو يوم انه يوعد ويخلف سيري روحج سويه ولا انج تيلسين اترينه 😔

لا مب طاف، لازم يتعلم كيف يتحمل المسؤوليه
لا تنسون نحن نبا الحرمه تكون ف البيت اميره
والريال هو اللي يجابل الاشغال مب يالس ريل ع ريل
وهي اللي تراكض . .

اختي، صارحيه قوليله انته ريال البيت ولازم تكون
متحمل للمسؤوليه يعني لو عندك ظروف انا بقدرك
بس دامك تقدر المفروض تكون عند وعدك او لا توعدني
وجي بيعرف انه الوعد مب مزح ولازم يسويه
ي حريم تناقشوا .. تناقشوا .. تناقشوا ويا رياييلكن
لا تقولون كيفه وبرايه عيل ما ينلامون الرياييل يوم
يودرون حريمهم ويسيرون لربعهم دام الحرمه بتم ساكته
وبتي هني تتشكى وهو خبر كان، تفاهمي وياه
وقوليله فلان كيف تباني اكون وياك بيقولج كذا وكذا وكذا
قوليله وانا اباك تكون ويايه كذا وكذا وكذا وهذا كله
عشان يكون لج راي ويعرف انج قد النقاش والتفاهم
وما تستهينين بالتناسي اللي ماخذنه طبع له وياج
وصدقيني الرياييل ما يحبون يطلعون جدام حريمهم
قول بدون فعل ولو قلتيله هالشي بيعصب بعد
ف لو نبهتيه لـ هالشي بطريقه مب مباشره بيغير هالطبع
و ع حسب ما اذكر انتوا مالجين ! يعني بعدكم وتقدرون تغيرون وايد اشيا

موفقه حبيبتي

الرياييل مب كلهم مثل بعض

ولازم كل وحدة تفهم شخصية ريلها عشان تحصل الحل المناسب

يلسي وياه وناقشيه بهدوء

ساليه شو الاسباب انك ماقدرت تسوي الي وعدتني فيه

يمكن اسبابه تكون مقنعه وانتي تافهمين الموضوع ويمكن اسبابه ماتقنعج

عطيه فرصه وفهميه اهمية الشي الي تبينه اذا هو يقدر يسوي لج اياه

والله يهدي الجميع