ريـلـي مادري شوفيـه معصب عليّ وايــد لتربية الطفل

اخو ريلي تعبان عنده القلب والحين هو من فتره فالمستشفى
والدكتور قال يحتاج لعمليه وبتكون حساسه جدا ونسبة نجاحها 40 بالـ %
ولو ما تحمل قلبه يمكن يروح فيها

ريلي تم خايف على اخوه ويحاتيه وايد لا اكل ياكل ولا رقاد يرقده
تام الا يفكر بحالة اخوه وشو ممكن يستوي فيه

والحمدلله نجحت العمليه وطلع بالسلامه وريلي ارتاح واطمن على اخوه ورد البيت
من رد يلست وياه جدمت له العشا قالي ما اشتهي حاولت اخفف عليه وانسيه واخليه يفرفش
ما قدرت قالي انتي فايجه

حسيت انه محتاج يتم بروحه وما يبا حد يكلمه وسكت عنه وقمت سرت اتعبث بتيلفوني
اشوف ربيعاتي وخواتي مطرشات لي مسجات وطرشت حقهن كمن مسج
ووصلني مسج بنفس الوقت فجيته والا اخوي مطرش لي نكته وتموت من الضحك
لا اراديا وانا اقراا النكته ضحكت بصوت عالي وشافني قالي شو يضحكج
قلت له اخوي مطرش لي نكته وضحكتني اقراها لك فجاه قام وزاعج علي
قالي شو هالبرود اللي فيج مسجات ونكت وضحك ولا مفتكره بالظرف اللي نمر فيه

عق علي هالكلام وظهر وصك الباب بالقو

والله انا اعرف عمري مب غلطانه ولا سويت شي يضايج به وتراني حاسه فيه وفي حالة اخوه
بس شو بيدي اسوي غير اني احاول اخفف عليه
بنات اول مره تراه يعاملني بهالمعامله الجافه من تزوجنا كله يدلعني ويعاملني باحلى معامله
بس من اسبوع منجلب وخاصه هاليومين مستوي عصبي وعلى اي كلمه يعصب ومايتحمل مني شي
والفير عقب ما صلينا انا وهو قالي بوديج بيت اهلج قلت له ليييييش قالي لاني بنشغل ويا اخوي
فالمستشفى وما بودره هالايام قلت له اوكي برايه انا بتم فالبيت عادي قالي لا سيري بيت اهلج
قلت له انا مرتاحه هني وما ودي اسير رد عصب قالي اسمعي الكلمه عند منو بتمين هني
قلت له تراك اكيد بترد تسبح وتغير ملابسك ولازم اكون موجوده "للعلم بس اهله وامه مسافرين "
ومحد فبيتهم غير الخدامات وولد خالتهم الصغير
قالي لا اله الا الله جان اقاطعه قلت له والله مابا اسير بيت اهلي شو بيستوي لو تميت هني
قالي زهبي شنطتج بوديج الصبح يمكن تتعبين وانا لاهي ويا اخوي وما ادري بج
تراني حامل
قلت لا ان شاء الله ما بتعب ولو فيني شي بتصلك بخبرك طالعني بنظره خوفتني وايد
وسكت ما فجيت حلجي سار طاح ورقد