ريحه الحجره الخايسه اعمال منزلية

السلام عليكم

انا عندى مشكله في الحجره ان الريحه الخايسه ما اعرف من وين تطلع لاحضت اذا سكرت المكيف لمده ودشيت الحجره اتكون الريحه خايسه ، قلت يمكن من البواليع بس ما اشم ريحه خايسه في الحمام
انا معرسه من فتره وريلي ماجد لاحظ الريحه بس انا مره قلت له الريحه خايسه في الحجره ومن حزتها قام يلاحظ واستوى الموضوع محرج.

مااعرف شو اسوي قلت حق البشكاره تغسل الحمام يومي وتصب ديتول في البواليع بس جفت في تطور اتكون الريحه ريحه صابون وديتول بس بسرعه تتغير لين فليل

عطور وعطرت وخلصن عطوري ، دخون ودخنت مدات يدش يقولي ريحه شي يحترق ماخليت دخون ولا عود ولا عود امعطر ما استخدمته كله موقت

ما اعرف شو اسوي شاعدوني ، ابا اشتري شي يطلع عطر 24 ساعه نفس بخاخ بس مااعرف شو اخذ

للرفع

أختي أنا كنت أعاآآآآآآآآآآني فترة طويلة
وفالأخير أكتشفت أنه من المرحاض وأنتي بكرامه، ولما غيرته ارتحت

أنتي حاولي تستنتجين ريحة شو بالضبط، ريحة دخان ، ولا ريحة شيء مايل للسمج، أو بواليع أو شي معطب
حاولي تركزين فالريحة، لأنه قد يكون حتى من المكيف، أو وايرات الكهربا لما تحر، وفتشي في الغرفة
واذا عندج باقة رد وجفت يفضل أنه تتخلصين منها لأنها تطلق غازات سامه ويمكن تسبب ريحة ..

رأيي أنج تعرفين شو مصدر الريحة بالضبط، بدال ما تغطين عليها بالعطور

يمكن المكيف فيه رطوبه مسويه هالريحه

انتبهي اختي احتمال تكون من المكيف من الداخل او من مفاتيح الكهربا ان كنتي مركبه وايرات المكيفات ولا اي شي اسحبيها واتاكدي منها يمكن توها باديه تحترق وانتي مب حاسه فيها وشيكي عمحول الكهربا

للرفع للرفع

نفس المشكله يا اختي و كارهه غرفتي و خاصه فالحمل, بس انا شاكه يمكن من الفراش لانه غرفتي فراش و اليهال كل يوم وصخولي مع اني انظفه اول باول و اكنسه او من الغساله لانها من فتره خربانه و ما اشغلهاا و كل مره العامل ما يكون فاظي ياخذهاا او اقول من تهويه الغرفه لانه تصميم غرفتي و مكانها غلط غلط ما عندي دريشه فاتكون الغرفه كتمه الله اعلم من شو تعبت و انا ادور السبب بس الحمد جريب بظهر بيتي … بس لاحظت انه مع التهويه تخف الريحه انا ابطل باب الغرفه و اشغل المروحه و احط فواحات و تتغير الريحه كل يوم اسوي جي بس اذا وقفت يوم واحد ترجع الغرفه نفس الريحه ,,