ريحة المكيف عمل يدوي

خواتي امس مفلته بف باف في الحجرة بسبة البعوض … عقب هويت الحجره شوي وبعدين حطيت عود معطر وبعدها عود مش معطر .. في البدايه الريحه كانت حلوه .. بعدين استوت ارف .. حتى فليل نمت وانا فاتحه الباب عشان تطلع الريحه .. بس ماشي فايده ..واليوم من الصبح غسلت الشبج مال المكيف اللي داخل ومشغله المكيف وفاتحه الدرايش ومشغاة المروحه ومطلعه اللحافات بره .. بس بعدها ريحة المكيف .. والحين سويت لبان شوي خفت الريحه بس بعدها …. منو عندها حل ويزاها الله خير

انا قريت مره لواحده من الاخوات كانت كاتبه عن ريحة مكيفها انها مش حلوه ومثل ريحة البول اكرمتو فاللي تندل وين القى هالموضوع تدلني عليه يمكن استفيد منه … ومشكورات

وانتي ادخنين رشي عطر وخلي الباب مفتوح
وشوفي غاز المكيف يوم يكون مخلص يطلع ريحه

مشكوره اختي .. وصدقج يمكن الغاز مخلص

امكن وضعية المكيف غلط……يعني ممكن راد لجدام والماي مال المكيف ما ينزل ويتراكم تحت المكيف….
فيطلع ريحه…وامكن مثل ما قالت ام انومي الغاز مخلص بس لو الغاز مخلص … المكيف يطلع هوا حار…
ان شاء الله تلاقين حل………….

نفس حالتي
بس تعرفين شو الحل اللبان دخني بلبان هو الحل الامثل يقتل كل الجراثيم ويشفط الريحه الخايسه

هذي هي طريقتي لحل هذي المشكله وخاصه مكيف الصاله أما غرفت النوم عادي

يمكن مسوي ثلج عندج لازم يزيدون الغاز فيه هذا أولا وبعدين الشي الثاني شوفي إذا الكمبريسر يديد ولا جديم وثالث شي مثل ما قالوا البنات سوي لبان ينفع …

حبيبتي .. يمكن انتي مقصرة على المكيف .. يعني مخلتنه على المسوى العادي
والارقام 20 و21 و22 .. << مستويااات المكيف
في هذه المستوياات تظهر الريحه الارف