ريحة البيت خايسه ( الجزءالثاني ) ..صارت حلوه :) اشغال سهلة

السلام عليكم …
شكرا لكل الي نصحني و عطاني حل لريحة بيتي
و موضوعي كان في ه الرابط
https://forum.uaewomen.net/showthread…5#post19911755

طبعا انا شو سويت ….
مثل ما قالن البنات ما اعتمدت اعتماد كلي ع البشكاره … حطيت عيالي في بيت اختي
و شمرت كمي مع الخدامه … .. و فكرت من وين ابدى ….
و قررت ابدى من غرفت الالعاب …. ( و هي نفسها الغرفه الي تنام فيها خدامة بنات ريلي اذا زارونا او باتو عندنا
و بديناااا
الحجره كانت مكتومه جدااااا
فتحت الدرايش و حصلت في بعض الدروج جبن و تفاح خايس … افففففف لاعت جبدي … و في لحظتها اتصلت على ريلي و قلتله و انا معصبه الاثاث الي فالغرفه بفره كله ما بخلي شي ,,,, غرفة الاعاب لازم تكون فاضيه ….
( خلصنا تنظيف و طلعت بلاوي هالكثر منها و رفت كل شي عن الارض )…
و انا طالعه من الغرفه … كان حمام الغسيل عدالها و شميت ريحه … دخلت الحمام حصلت الريحه خااايسه اكتشفت ان المروحه خربانه فاتصلت على طول بالكهربتي عسب ايي و يركب مروحه يديده …
حجره الخدامات بروحها سالفه …قلتلها تفتح الدرايش و تفر زبالتهم الخايسهو تنظف الحجره الحين ….
( و طبعا هي معصبه مني )
الحين الصاله خليتها اطلع كل شي بره و الجلسه العربيه الي في غرفة الطعام … هني اكتشفت شي ثاني …. حصلت تسرب بسيط للماي ورا القعده … اتصلت بريلي و خبرتها … قال ما عليه بتصرف يوم برجع …

و طبعا البيت كان كله غبار و ما يتنظف زين …
خليتها تمسح كل شي و مسحت البيت كله بديتول . بس قبل رحت بروحي و جيكت على الممسحه … و طبعا مثل ما قالو بعض البنات … الممسحه في الحمام و موجوده في سطل المسيح من الصبح ( و نحن الحين العصر)… خبرتها عن هالشي …..و خليتها تفرك الممسحه بالصابون و الكلوركس و الديتول … و بعد ما خلصت مسح
. رشيت اير ويك … و اشتريت الجهاز البي البنات خبروني عنه …
و حطيته فالصاله ….دخنت لبان عربي …

و الحين البيت الحمد لله ريحته جنان

وو بسسسسسسسسسسسسس

( ملاااااحظه … لما كانت عندي فلبينيه كانت ريحة بيتي تجنن … بس الحين عندي اندنيسيه … و انشالله بغيرها بعد كم يوم )

اسكتي هالخدم نعمه ونقمه

الله يكون بعونج على ها الخدم

ماشااالله ……
الحين ادخن معمول خخخخخخ
البيت الحين يفتح النفس مب قبل

انشالله دوم تبقى جي و تتعلم

هاي اندنيسيه و اونها متعلمه … و المشكله اذا امرت عليها بزياده تنافخ و تتافف …
بس انشالله توصل الفلبينيه هاليومين و افتك من هاي

فعون الجميع انشالله … خصوصا اا كانت دلوعه