ريجيم بدون ريجيم … كيف ؟؟ تعالي بخبرج .. تأخر الحمل

انا وزني اليوم 111 كيلو .. وماعندي ارادة موووووووول بس بحاول من اليوم ****لله

وانا وحدة ماحب اتبع ريجيم وكلي هذا ولا تاكلين هذا .. يعني ماحب الشروط ..

بس الله عرفناه بالعقل ..

وفيه ملاحظة وايد مهمه … الريجيم اللي ينزل 20 إلي 30 في الشهر هذا خطير وايد

واللي ينزل بسرعه يطلع بسرعه ..

غير ان اللي ينزل هالكميه الهائلة تعرفن شو يستويله ..

بخبركم ..

كلية الانسان ترتكز على كمية من الدهون .. والريجيم القاسي والقصير يذوب هالشحوم

والنتيجة ………..

الكليه تطيح من مكانها لان الشحوم اللي مرتكزه عليها ذابت …

فيعني المعقول ان تنزلين من 5 – 10 كيلو في الشهر ..

يعني شدي حيلج ووصليهم 10 كيلو .. انا المفروض اوصل 70 والحين انا 111 كيلو

يعني لو نزلت في الشهر 10 كيلو في خلال 4 شهور بإذن الله بوصل للمطلوب ..

احلفكم بالله ان كل وحدة تقرا الموضوع تدعيلي ان الله يثبتني ويعطيني الإداردة وما أضعف .. وبحاول أكتبلكم يومياتي على قد ما أقدر

فنصيحتي وريجيمي هو التالي :

1- ابعدي عن الزيوت والحلويات والبيبسي وربعه والوجبات السريعه .. كنتاكي واخوانه
2- أشربي ماي وااااااااااااااااااااايد يعني مب اقل عن لترين في اليوم
3- ياريت تمسكين عمرج وبين الوجبات ما تاكلين شي
4- وأهم شي الأكل … مافي شي معين .. بس الرجيم هو انج تقللين الأكل على قد ما تقدرين وكل مايكون مسلوق او مشوي او بدون دسم بيكون زين .. يعني كلي كل شي بشروط
5- ممارسة رياضة 20 دقيقة في اليوم … مشي سريع
6-قيسي وزنج بداية الرجيم وكل اسبوع مره وحده بس ..

اذا مشيتي على هالشي ونزلتي في الأسبوع 2,5 كيلو بتكونين في السليم ..

لا مذلة انواع الريجيم وتحسين عمرج غير عن اهل البيت واكلج غير ولا شياته …

وما ننسى ان لو مشيتوا على كلام الرسول ما بتندمون ، تخلون ثلث المعدة أكل وثلث ماي والثلث فاضي ..

ولا تاكلين قبل النوم مباشرة ..

هذا ريجيمي الخاااااااااص ومن واقع قراءات كثيرة …

وانا شخصياً كنت ماشيه على هالنظام ونزلت من 102 لين 70 من 6 سنوات .. بس عقب عملية الدودة الزايدة زاد وزني ووصل 111 …

الله يوفقكم واللي بتطبقه تخبرنا بيومياته وانا ببدأ …