ريجيم التمر واللبن …. منو معاي ؟(انتهت المده!) تأخر الحمل

اليوم وزنت وزني 69 اشوه ما وصلت 70 جان انتحرت بعد

انا ماصدقت اكسر السبعين اخيرا

المهم عن القرقة

من بااااااااااااجر

باجر موووووووووو يوم السبت كالعادة

من باجر ببدا ريجيم التمر واللبن بس مع تعديلات بسيطة لان ماتحمل الدوخة وهي كالتالي :

الصبح لازم اتريق ريوق عدل وتمام

وهالشي يوميا يووووووووووووووووووووووميا لمدة اسبوع بجرب
لازم اوصل 65 كبداية وعقبها بعطيكم النتايج

4 قطع شابورة بالحبوب من امريكانا مع جبن فيتا سعودي
وخيار وطماط وشريحة مرتديلا رومي مدخن و بيضة مسلوقة

مع شاي او قهوة او عصير برتقال فريش او جريب فروت مال فلوريدا

( الشابورة عجييييييبة مع الجبن الابيض المالح تهبل واحلى من التوست )

وباجي اليوم عندي 21 تمرة مع 3 علب لبن شتورة عيران المالح لان ماحب غيره الصراحة واحب المالح

يعني 7 تمرات مع علبة لبن على الغدا لان تريقنا ريوق يشبع لباجي اليوم

14تمرة مع علبتين لبن الساعة 8 بالليل

وعقبها نشتغل مااااااااااااااااااي وشاي اخضر او شاي اعشاب مع سكر نبات علشان نعوض عن الملوحة مالت اللبن

انا عن نفسي اسوي شاي اعشاب كالتالي

في كوب كبير ( ) احط اكليل الجبل، يانسون، بابونج، ميرامية، نعناع، كيس شاي اخضر ( كواليتي)
كراوية

واصب عليهم ماي مغلي واغطي الكوب 10 دقايق
بعدين اصفي الماي من الاعشاب واشربه

وهالاسبوع بوقف حليب الصويا وبشوف
وكان الله غفورا رحيما

يالله يا شجاعات

منو يبدي معاي من باجر

لاتقولون ماعندي تمر ولا ماعندي بيض ولا مادري شو خخخخ تراني اعرفكم عياازه

من صباح الله خير قطوا عيالكم ولا اخوانكم المدرسة وطيران على الجمعية

بلا اعذار

انا عندي كل شي الحمدلله وان نقص شي طرشت الخدامة
لوووووووووول من كثر مااطرشها تقولي ماما ( ريول انا وايد عور هههههههه)

هااااااااااااااااا منو معاي؟؟

وراي عرس أخوووي شجعوني