روح المنافسة للحم الصحي

السلام عليكم ورحمة الله وبركاته

انا كتبت هالموضوع علشان احصل تشجيع منكم بعد الي شفته في المواضيع الثانية من تشجيع..

طبعا سابقا من الضعف كانوا يسموني (الهمباه الممصوصه ) هههه وكنت اتضايق منهم والحين صرت الدبة المتينة… كيف

قبل 4 سنوات كان وزني في بداية الخمسينات وداومت… واهني اختلف كل شي قعدة كرسي وجمعة بنات وريوق وغداء واروح البيت تعبانة واشوف الغداء قدامي واكمل ولاني ارجع العصر من الدوام فيكون العشاء قريب من الغداء فبديت يوم عن يوم انتفخ لين وصلت بداية الستينات .. وعرست وطبعا يوم كنت رشيقة وجسمي بيطلع في الفستان حلو ماجى المعرس ويوم امتنيت وصرت دبدوبة شوي عرست بس شو نسوي ..المهم بعد العرس صار 68 واستويت استحي اتلبس ملابس قدام الريال وقمصان النوم للحين معلقة فالكبت مش ملبوسة ..ماتيوز

وكنت اقول لريلي انا والله كنت رشيقة وماكان يصدقني لين راويته صورة حقي ويوم شافها قالي منو هذي

وانصدمت ..

وكنت ببدا اسوي رجيم لكن والحمد لله حملت وزدت فوق حملي 14 كيلو تقريبا يعني صرت 82 وصرت ماروم اشل عمري وفيني ويع فريولي وويع في القدم وقياسي خصوصا الصدر زاد اربع قياسات .
وقلت اول ما اربي بسوي رياضة لكن للاسف ربيت بعملية.. وبعدها بشهرين او شهر ونص قلت بمشي وبلبس حزام وماكملت يومين الا استوالي التهاب فالعملية ووقفت رياضة لان العرق من اسباب الالتهاب اعتقد.. ماقتلكم ان وزني بعد الولادة مباشرة نزل لين 74 وماكملت شهرين الا صار 77 وكل هذا لاني اكل واكل واكل وماشي حركة.. غير هذا مريضة من يوم ربيت ومالي بارض اسوي اي شي وكل يوم اقول باجر ببدا اخفف اكل وباجر يجي وانا مثل ما انا ..

لين الم قدمي زاد علي واستويت ماقدر اتحرك واكتشفت عندي التهاب القدم الاخمصي ومن احد اسبابه زيادة الوزن ولكني ماقدرت اسوي رياضة وايد لان الالم يزيد علي ..غير ان فيني شد اوتار فالايد فماروم احركها ملبستنها جبيرة فصار عندي موضوع الرياضة صعب.. وماروم اشترك فنادي.. لكني قلت لين متي بظل جي لازم ابدا ..

ومن اسبوع بديت اخفف اكل ومشيت عجدول نيوترشين (كنت مشتركة فيه سابقا لكن ودرته لما حملت) فالرجيم تام عندي فقلت ابدا فيه .. وبديت بس مش 100% وبدون رياضة اول اسبوع وماعرف انزل الصور حق الميزان والا حطيتلكم صور.

وكان وزني اول مابديت 76.8 وصار 75.6 طبعا مانزل وايد لاني ماكنت ملتزمة وايد وبعد الميزان حسيت الهمة عندي بدت تنزل وامس قمت وكليت دونات وداخلها كريم وكليت شكولاته واهني قلت لاااااا لازم ادور حد يشجعني تعرفون يوم حد معاك تكون اكثر ملتزم ..

الحين الخطة اني اخفف 22 كيلو لكن الهدف الاول اني امسح رقم ال7 من الميزان واوصل لتحت السبعين ..يعني 69

وبديت الرياضة من امس وانشاء الله استمر عليها..

منو معاي في هالرحلة لاني اخاف امل وارجع مثل ماكنت او اكثر ابا حد يشجعني وتعرفون روح المنافسة تخلي الانسان يبدع…

الله يعينج بصراحه لازم اديرين بالج على صحتج أنا بعد أحاول أخفف وأكل فواكه موفقه يارب

حلو اسم الموضوع.. روح المنافسة..
الغالية شدي همتج.. والأكل هو هو ما يطير ولا يتغير..

وانتي بعدج صغيرونه وكل هالتعب فيج..
شدي حيلج والتزمي بالريجيم المعقول و وجبات صغيرة ومخففة من السكر والدهون.. لين تصغر معدتج بالأول.. ويبدى جسمج يحس بثقل الدهون والسكريات اذا جربتي تاكلي منها..

حللي ملابسج ^_^ وتأكدي انج مب خسرانة شي.. بالعكس انتي تستاهلين نظرة اعجاب من اشخاص يهمونج..

مشكورة الغالية .. انا من طبعي احب الموز والمانجا وهالاثنين من الفواكه الي يمتنن

بس لاحظت في اغلب الرجيمات الثانية ماياكلون فواكه اون يزيدن الوزن فعاد ماعرفت ناكل والا ماناكل

مشكورة عذوقج
صارلي اكثر عن عشر ايام واستويت ما شتهي الاكل يعني دام تخلصت من شي اسمه عيش يعني اموري فالسليم
لكن مارمت اتخلص من الحلاوة
بس الحمد لله احس بنشاط يمكن لاني بديت امشي نص ساعة بس ابا ازيدهن لكن قلت شوي شوي