§¤~¤§——————§¤~¤§
باقة ازهار وورود ..
وسلة بخور ووعود ..
وكل عام وانت بخير ..
ورمضان عليك يعود ..
§¤~¤§——————§¤~¤§
كل عاااام وانتوا بخير
والله يبلغنا وياكم رمضان ونكون من صوامه وقوامه ياااااااارب
رمضان عالابواب
وحلو لما تقدمين حق امج او لخالتج هديه بالشهر هذا
منها صلة رحم
ومنها عشان تكبرين بعين زوجج
ومنها عشان تقرب القلوب من بعضها
ومنها ومنها ومنها
اسباب كثيره
وانتي ياحلوة شنو سويتي شنو شريتي او شنو فكرتي تهدين امج او اي حرمه كبيره قريبه منج
خلونا نتبادل الافكار ونساعد بعض في الهدايا ,,,
انا بحط لكم جم فكره من عندي…
من وجهة نظري حلوو تكون هدايا رمضان شغله بسيطه يعني شغلات تراثيه او دينيه والهدايا العووده خشوها للعيد
اول فكره ممكن تكون طقم سجادة صلاة مثل هالطريقه
هذا مثال ويتكون من
سجاده +دراعه فيها ملفع لاصق فيه تحكمين بلفه+جنطه
الفكره رقم 2
ممكن تاخذون غرشه عطر فاضيه تكون فخمه وتعبونها من العطورات العربيه على ذوقكم مثل هالطريقه
ووتتسكر بهطريقه
الفكره 3
حلو تاخذون معاكم حلويات تراثيه تمر معمول كليجه رهش حلوى كيك قرص عقيلي وتحطونها بالطريقه هذي
الفكره 4
صندوق يتكون من سجاده وقرآن مع دخون
او عطر مثل هالطريقه بالاضافه الى كتيبات الادعيه
وممكمن يكون صندوق خشبي فيه عطورات ودخون ومبخر
تقدرون تقدمون نفس هالصندوق الخشبي وتحطون عليه بالاضافه الي العطور والبخور قطع قماش وزعفران وحنه
وتقدرون تقدمولهم اطقم مواعين للمطبخ
تقدرون تجهزولهم ماجلة الشهر كامل من خضره وبزار ولحم وغيره يكفيهم طول الشهر
ملاحظه : تابعوا هالموضوا باستمرار لاني بيني فتره وفتره بنزل افكار لغاية رمضان وانتوا بعد خواتي اذا عندكم فكره اسدحوووها اهني خلونا نستفيد
بشعور ملؤه الحب
اجمل التهاني
بحلول شهر رمضان المبارك
كل عام وانت بخير
§¤~¤§——————§¤~¤§
بس وين نحصل هالسيادات الطقم ؟؟
ما شاء الله عليج فكــرتج حلــوه
و ان شاء الله ان راودتني فكره بسدحها هوون
تسللميييين
متاابعه لج ^..^