رد على موضوع الاخت اللي سألت عن كشف الشعر فالخطبه

موضوعي هذا رد على الاخت عواش وكل العضوات
https://forum.uaewomen.net/showthread.php?t=602491

اتمنى ان الموضوع ما تنقولونه لقسم ثاني لان اغلب البنات اللي ينخطبون يدخلون هالقسم
وهالموضوع بيفيدهم

حبيباتي اغلب البنات ردوا على سؤالها و افتوا وهم ما يعرفون الجواب

واغلبيتكم قلتوا حراام

منو قال ان حرام الوحده اتظهر شعرها جدام اللي بيخطبها
عيل ليش مسوين النظره الشرعيه !!

اذا الريال طلب ان يشوف شعرها لازم البنت اتراويه

انا ما لبست عباه في خطبتي
وبس جي كنت حاطه الشيله ع راسي بدون ما الفها
وشعري كان ظاهر من جدام و من ورا لاني كنت فاتحه شعري
وشاف شعري

وهاي هي الفتوى واللي مب مصدقتني و تبغي تتأكد تسأل المشايخ السعوديين
وثاني شي هالشي درسناه في المدرسه في مادة التربيه الاسلاميه

السؤال
هل يجوز للمرأة أن تكشف عن شعرها أمام الرجل الأجنبي الذي يتقدم لها لخطبتها ؟

فنظر الرجل للمرأة التي يريد زواجها مباح، وقيل: مندوب. فإذا جاز له أن ينظر إليها جاز لها كشف ما يدعوه إلى نكاحها، واختلف الفقهاء في المواضع التي يجوز أن يراها الخاطب من المرأة.. وأكثرهم على الوجه والكفين، وجوز الحنابلة النظر إلى ستة مواضع هي: الرأس والرقبة، والوجه، والكفان، والقدمان، والساقان، وعليه فيجوز النظر إلى شعرها، وهذا هو الأظهر لأن الشعر من أهم ما يحب الخاطب أن يراه، ومما يدعوه للنكاح، فلا حرج أن تكشف المرأة شعرها للرجل الذي يتقدم لخطبتها إذا غلب على ظنها أنه سيتنزوجها، وللمزيد من الفائدة يمكن مراجعة الفتوى رقم:
5814.

واتمنى انكم استفدوا من الموضوع

و اتمنى انكم ما تفتون على شي انتوا ما اتعرفون جوابه
لان ما يستوي
ما يلفظ من قول الا لديه رقيب عتيد

يزاج الله خير ع التوضيح أختيه

لو كل واحد خطب بنت ويبا يشوفها جان طاحت الميانه بينهم …..

بس فووق هذاااا لااااااااااااا ما ظني اكشف شعره من شعرتيه حق واحد انا ما اعرف إذا هوو يباني أو لا .. صح وألا

ويمكن هالاجنبي غير رايه ما يباج عقب >>> الحرام حرام والحلال حلال…

ما فيني احط على ذمتيه شي ..

ومحد يعلم صح ووألا ….

واذا طبعا رفض ماظن بتاخذين اثم لانه كل شي قسمه ونصيب لاتكبرون السالفه

ما نقدر ندخل في هالسوالف ونحط على عمارناا اثم ..
وكل شي جايز ..

وسلمتي ع الفايده