رحلتي المميزة إلى منتجع (Banyan Tree Al Wadi) لعشاق السياحة

حبيت اتشاركوني اليوم في تقريري المتواضع عن هذا المنتجع الراقي والفخم الواقع في منطقة مزرع…… كلمة وااااااااااو اشوي عليه طبعا انا من زمان اعرف عن هالمنتجع وموجود بكل انحاء العالم بستايلات مختلفة ودايما ادخل موقعهم وعرفت ان بيفتحون فرع في الامارات وبالاخص برأس الخيمة فانتظرت وانتظرت وبشهر 1 بما ان ذكرى زواجي بهالشهر

وكنت ادور وادور ادور فنادق ومنتجعات وماياب شيء راسي فقلت ويييييييييييه اتذكرت في منتجع بيفتح في منطقة مزرع وجان ادخل موقعهم وآخذ رقمهم واتصل وقلت انتو فتحتوا قالولي هي شهر 12 فاتحين وطبعا مب كل المرافق والفلل

قلت مب مشكلة الحييييييييين تحجزولي فلة بحوضها الخاص وسعرهم ممتاز ابصراحة مقارنة بالمنتجعات الثانية

والحمد الله جهزت عمري حق هاي الرحلة انا وزوجي وبنتي الكتكوتة طبعا انا حاجزة قبل لايحطون في المدونة والايميلات رحلة وحدة من البنات لزيارة هذا المنتجع بعدين من جفت اتحمست زيادة وقلت لااااااااااا لازم اسير

وجان اخرش ريلي واتفقنا انسير المكان والحمد الله اتوكلنا على الله

بنات اسمحولي عالمقدمة الطويلة بس والله كل مااحاول انزل التقرير ايعلق المدونة وانقهر وانا من زمان ناوية انزله عشان جي قلت خلني ابتدى يمكن ايحن علي وبنزل لكم الصور ……….

كان يوم الجمعة تاريخ 22/1/2010

انطلقنا من دبي متجهين لشارع الامارات وهني في الدرب

وبعدين وقفنا في المحطة انعبي السيارة بترول وناخذلنا وجبة من برجر كينج عالسريع مانبا نتأخر عالمنتجع وايضيع الوقت

وهني قريب يوم وصلنا المخرج اللي ايودينا للمنتجع

وهذا هو المخرج

وهني في الدرب المؤدي للمنتجع …….. ماشاء الله تبارك الرحمن كلها خضرا ومناظر رووووووووعة

وهني وصلنا للمنتجع صوب البوابة في صخرة كبيرة وكاتبين اسم المنتجع بشكل وايد حلو

وهني وين المدخل

وهذي سيارة الجولف اللي تنقلنا من مكان لمكان لأن بين الفلل والريسيبشن والمرافق الثانية مسافة فيحتاي سيارة اتسهل عليج النقل وكانت تجربة ممتعة

وعيبني شكل الرنجات الموجودة فصورتهم

وهني نفس الشيء من صوب مدخل المنتجع

اثاث راقي ومستوحاة من الحضارة الاسلامية

وهني الريسبشن صح بسيط وايد بس اتحسين عمرج برع جنج في شرق آسيا

اعذروني عالتصوير في اماكن وايد ظلمة وماكنت اعرف كيف اعدل الكيمرا بس مشيت حالي

يمكن هاي صورة اوضح وعيبني المكان وايد فحبيت اصوره كذا مرة

وضيافتهم لنا كانت عبارة عن تمر باليوز وكركدي بارد ايبرد عالقلب يم يميييييي

وجان تنقهرون صح هههههههههههههه لووووووووول

ماعلي المرة الثانية بوديكم معاي لاتحاتون

وهني ريلي ماادري ايوقع على شو اعتقد تأمين شيء جي

وابصراحة هذا الموكيت في كل مكان وعايبني وااااااااااااااااااايد ديزاينه غريب ولونه بعد حلو مااعرف من وين ممكن احصل شراته

وهني حملوا اغراضنا بهاي السيارة

وهني الناطق الرسمي ههههههههههههه امسوية عمرها وحدة وتعطيه رييييييييييس هههههههههه وناسة هالسيارة والله

وهني اشوي ابتعدنا عن الريسبشن وطبعا مثل ماانتو جايفين المنتجع يديد بقراطيسه حتى الزرع ماطلع بس الزرع الطبيعي ماشاء الله موجود من كثرة الامطار رحمة رب العالمين……

والحين يينا للجد طبعا نحن خذنا الفلل مب اللي على شكل خيمة صح ارخص بس نفس المستوى من داخل وبالعكس عيبوني وايد وكل شيء حلو في الفلة

يوم اقوللكم انا مااحب هالحركات ومارمت على فارقكم خذت بريك كوفي وييت

المهم هني الستيبس اللي ايوديج للفلة وجان تعيبني الحركة

وحتى اهني حركة حلوة قبل مدخل الفلة