رحلة الحمل والامومة للصحة

بسم الله الرحمن الرحيم

السلام عليكم ورحمة الله وبركاته

والصلاة والسلام على خآتم الانبياء

الحمدلله الذي تتم بنعمته الصالحات
انا قررت ثم حملت والحمدلله
ربي يرزق كل محرومه بالذريه الصالحه يارب

طبعا كل الي فهالقسم دخلو حياة ثانيه بعد ماكانو بنات يخططون لمستقبل غير الي الحين بيخططون له وفجاءه دخلو القفص الذهبي

حبيبتي انتي الحين دخلتي حياه ثانيه بمجرد ماحملتي ومبروك لكل حامل الله يثبت لنا الحمل ان شاء الله وتقر اعيننا بشوفة الضنا

طبعن الموضوع الي بكتبه ترى مقتبس من موضوع قديم فالمدونة كوبي بست لان فعلا استفدت منه وحبيتكم تستفيدون وكاتبة الموضوع نكها (غالية المري)

نبذه

حبيبتي المتزوجة .. بديتي اول خطوة على سلم الاستقرار
من هالخطوة بتبنين التالي :

البيت

المسؤولية

الأمان

الابناء

وبتفكيرج بالابناء والحمل والولادة بتكونين اسستي المبادء الثلاث الاولى.

الحمل

احلى واعظم خطوة في الحياة والالفة والمودة والرحمة بين الزوجين

الحمل والابناء هو ناتج المحبة الي قررتي ان تكون لزوجج وحده وبس

الحمل انج تحملين قطعه منج ومنه في رحمج

الحمل ان ينبض قلب صغير مع قلب كبير فيج ويسمعكم قلب ثالث

الحمل انج اتحسين بفرح وغبطه وخوف وتبدأ مسؤولتج على طفلج من تشوفين نتيجة الحمل

الحمل انج تنسين الادوية والكعب العالي والسهر لانج تحبين الي في بطنج وتخافين عليه

الحمل انج تعرفين قيمة الوقت وهو ينمو داخلج وتشتاقين لشوفته

الحمل انج تجهزين لضيف صغير عطية من الله سبحانة بكل حب

حبيبتي واختي وصديقتي وامي وخالتي وعمتي وكل نساء العالم
ليش دام نحن (( النساء)) خصنا الله سبحانة بسورة النساء
ووصى الرسول صلى الله الله عليه وسلم فينا
وكتب فينا الشعراء
ونحمل دائما احلى المعاني الي ما يحملها الرجل
نحن الحنان .. نحن الامان .. نحن العطاء.. نحن الامومه .. نحن الولاء ..

ليش لما نعرف بحملنا ما نعطي اكثرررررر
[/QUOTE]

الكلام يتبع…

[QUOTE=غالية المري;37074988]
لا ترمين اختبار الحمل خليه مسكة لصندوق ذكريات الحمل

وفي هاصندوق

خصصي البوم حطي فيه اوراق مراجعاتج لدكتورة وصور الجنين اول بأول وشهر بشهر

حطي صورج والتغيرات الي صارتلج

حطي نموذج من التوزيعات كذكرى من هاليوم

وبعد الولادة باذن الله .. حطي اول صورة للبيبي
اطبعي بصمة ايده وريوله وبروزيها

الطفل في اول شهر يكبر بسرعة حطي حجم اول حفاظ له واكتبي عليه اول شي ستر عورتك والتاريخ

اول لبسه لبسها لا تعقينها بعد ما تصغر عليه اكتبي تاريخ ولادته عليها وخليها

هاتي برواز صغير وحطي خصله من شعره

كل هالاشياء الي بتسوينها وبتحفظينها في الصندوق كل سنة بتضيفين شي او شيئين عليها من عمره
اسنانة اللبنية الي بطيح

اول رسمة رسمها
صورته في اول يوم دراسي
اللعبه اللي يحبها في طفولته

واشيا وااااااااااااايد

عقب سنين تمر لما يصير عمره 13 سنة اول مراحل المراهقة
افتحي الصندوق له وخليه يشوف كل حبج له الي بيفهمه بلمس
خليه يلمس اغراضه ويشوف كيف كبر وكيف تربى وكيف هي (( الام ))
وخليه يعبر عن كل اللي راح يشوفه

وارجعي شيلي الصندوق وخليه ينساه وكملي انتي ضيفي الذكريات فيه لين باذن الله ما يتزوج
وقدميه هدية له بعد زواجه

بس هالمرة زوجته الي بتشوف امه فيه بتعرف شكثر انتي عظيمه وحنونه
بتعرف اشكثر انتي بتشتاقين لريحة ولدج النونو الي صار ريال وراح يكمل حياته بدونج

لا تملين .. لا تقولين متفيجه .. هو مجرد صندوق وتخبين فيه ذكريات احلى شي في حياتج

بختصار

خلي قلبج دايما ينبض لزوجج .. على كثر ما تحبينة بتحبين عياله لانج تشوفينهم فيه
وهو صدقيني لما بيشوف ادق التفاصيل الي انتي تسوينها بحب بيشاركج هالاشياء

بصراحه ودي اطبق هالشي لعيالي فكره حلوه ولا شرايكم امهات وحوامل
ادعو لصاحبه الموضوع المقتبس بالتوفيق ودعواتكم لي ايضا وشكرا

فمان الله

موضوع جدا جميل ❤️❤️❤️❤️❤️

الله لا يحرم اي بنت من نعمه الزوج الصالح والابناء ❤️

الله يرزق كل من يتمنى ❤️

موضوع وااايد حلو
واذا طبقتيه اختي بيكون له أثر كبير في حياتج
الله يسعد و يوفق الي سوت الموضوع
والله يتمم حملج على ويقر عينج بطفلج معافا سليم ان شاء الله
والله يرزقني ويرزق الجميع الذرية الصالحة يارب

اللهم آمين

أن شاء الله اطبق بكل حماس
اللهم آمين

موضوع ححلو ما شاءالله ،،
صدق التمست وايد ذكريات ولقطات جميله وانا اقرا كل سطر فيه
وفكرة الالبوم انا مطبقتنها وكل فتره نفتحه ونسترجع اللحظات ،،

يعطيج العافيه عزيزتي ؛)

دمعت عيني يوم قريت لمي الاغرااض ورويها له لما يتزوج ويكبر ..احس غيير ..
تسلمي ع الطرح