رحلات خارجية للطالبات للطلاب

اخواتي العزيزات
عندي بنت صف رابع عمرها 8,5 ومسوية المدرسة رحلة لدبي للوندر لاند وهي تبي تروح وكل يوم تصيح تريدني اوافق لو انتن مكاني شو بتسون وهل عادي هذا العمر يطلع رحلات خارجية

مب وايد صغيرة واخاف افتح على عمري باب بتقول السنة الياية واللي بعدها بسير وهكذا

وكليها على الله وخليها تروح

والله بتستانس مع ربعها

شوفي اذا هاليوم مخصص للبنات والا لا

اذا هيه وكليها الله و خليها تروح لان بيكون المكان كله بنات و اكيد في رقابه من جدا الجهه الي بتوديهم هالرحله

او خليها تروح مع البنات وانتي اطلعي بسياره روحج و تلاقو هناك اذا انتي خايفه عليها

ساعتها بتكونين مطمنه على بنتج و على الاجواء الي اهي فيها

ليش امصعبه الامور ومكبره السالفه خليها تسير لاتحرمينها من وناستها مع ربيعاتها
وهالشي باثر ع شخصيتها عقب
خليها تسير وتوكلي على الله