cabbage soup
بديت فيه من اسبوعين ،، سويته اسبوع وخذت بعده راحة عشان يثبت وزني والحين برجع اسويه ،،، اليوم اول يوم >>>>>>>اللي تحب تشاركني تقول لي وممكن ابدا معاها مو مشكلة (بس لا تتأخرون من باجر)..
أهم شي شرب الماء من اليوم الخامس ،، شوربة الخضار ممكن الاستغناء عنها بخضار مفورة او مشوية بس لازم تعويض السوائل بشرب الماء ،، وشوربة الخضار ممكن تتبهر باي نوع من البهارات مو مهم بس ممنوع الشوفان والكريمة في الشوربة ،، وممكن اضافة اللي تحبينه من الخضار بدون البطاطس طبعا …
وممكن أكل الشوربة أو الخضرة المفورة أو الطازجة في أي وقت حسيتي بالجوع بأي كمية ..
اليوم الأول : اي نوع من الفواكه بأي كمية إلا الموز + شوربة خضار أو أي نوع خضار إلا البطاطس
اليوم الثاني : أي نوع خضار إلا البطاطس + شوربة الخضار + العشا: بطاطس مشوية مع زبدة
اليوم الثالث : اي نوع من الخضار أو الفواكه ما عدا الموز والبطاطس طبعا + شوربة الخضار
اليوم الرابع : (هذا اليوم طبعا تنازلت عنه لاني ما اقدر عليه والصراحة ما اثر على نزول الوزن) موز وحليب اي كمية + شوربة الخضار
اليوم الخامس: اي نوع من البروتين المشوي (دجاج أو لحم أو سمك) تخارين نوع واحد فقط باي كمية مع طماطم + شوربة الخضار
اليوم السادس : نوع اخر من البروتين غير اللي كلتيه في اليوم اللي قبل (يعني اذا كلتي دجاج في اليوم الخامس تاكلين لحم او سمك في اليوم السادس) + اي نوع من الخضار ما عدا البطاطس + شوربة الخضار
اليوم السابع : مكتوب في الرجيم عيش اسمر واي نوع من الخضار + اي نوع من الفواكه + شوربة الخضار (الصراحة من وين ادور عيش اسمر فكلت العيش العادي)
هذا الرجيم ينزل من 3 الى 4 كيلو في الاسبوع سب انتي و شطارتج ما تردينهم ،،، وبالرغم من خرابيطي خلا هذي الأيام (طوفت اليوم الرابع ،، وكلت جوكولت اليوم السادس ،، وكلت عيش عادي في اليوم الاخير) بس نزلت 3 كيلو بكل سهولة وبدون ما احس بالجوع او الدوخة ،، لأني مدمنة خضار وما احب اللحم او الدجاج إلا مرة او مرتين في الأسبوع …
مع ملاحظة انع بعض (مو الكل ،، ربيعتي صابها لكن انا الحمد لله ما صابني شي) ممكن يصيبهم اسهال على الخفيف للي جسمهم مو متعود على اكل الخضرة >>>> انا قلت اللي علي واللي يصير فيها ممكن تستبدل اي وجبة بروب وعيش مو مشكلة …
* * *
اليوم من الصبح كلت مشمش مجفف للريوق + أناناس وجبة في نص النهار + شوربة الخضار بس مسواية مثل الكاري (يعني فيها بهارات الكاري وفلفل ،،الصراحة عجيبة) + مجهزة وجبة خفيفة العصر أناناس ونوعين بطيخ + عشاي بيكون خضار مفورة مثل الشوربة
وتوصلين للوزن المثالي