مابطول عليكم بنات انا حابه اسوي رجيم ومتحمسه ومتشجعه اني اسويه لاني شفت نتيجته على صديقتي والي بتشاركني وتكون جاده حياها الله من باجر نبدأ الاربعاء 28/8/2016
ويااريت بنات ماتحبطوني بليز 
اشربي على الريق : كوب ماء دافئ مضاف له ملعقه عسل + ملعقه ماء ورد+ نصف ليمونة
(مفيد لإنقاص الوزن والحصول على الرشاقه ونضارة الجلد وصحته )
(( خلطة صينية , و هذا هو سر رشاقة الصينيات )) …
ثانياً : البرنامج
اليوم الأول : ماء فقط ( لتصفية الجسم من السموم )
اليوم الثاني والثالث : فواكهه مشكله ( أي نوع ) ماعدا : المانجو والموز والبلح
اليوم الرابع : عصيرات طازجه .
اليوم الخامس والسادس : خضروات طازجه مشكله .
اليوم السابع : خضروات وفواكه
اليوم الثامن والتاسع : ألبان ومنتجاتها ( قليلة الدسم )
اليوم العاشر : ماء فقط …
اليوم الحادي عشر ( يوم مفتوح )
وزني الحالي :83
المطلوب : 60
واخيراً حقق امنيتك بالتوكل على الله
لان هذا حرمان وعقب لو رديتي تاكلين
برد وزنج دبل
موفجه
والمفروض مايزيد عن اسبوع او عشر ايام وعقبه ممكن تبدين بالرجيم او نظام صحي وطبعا الرياضه
ومانصحج تزيدين اكثر عن 10 ايام او تعيدينه مره ثانيه لانه بكون مثل ماقالت الاخت ملاك "حرمان" وطبعا بزيد وزنج
موفقه اختي ^^
ملاك الشوق وطموحات خياليه مشكورين حبيباتي بس انا غيرت في النظام شوي يعني لو تلاحظون خليت يوم مفتوح اقدر اكل وجبات ثانيه بس باعتدال يعني اكسر الروتين شوي وبعدين ارد عشر ايام اعيد النظام وجيه وان شاء الله استمر للاخر
الله يوفقنا يارب
الاربعاء : طول اليوم شربت ماي + كوب نسكافيه بدون سكر