راس الياهل فوق تغذية صحية

السلام عليكم أخواتي ما ادري اذا احد منكم مر بنفس المشكلة وبالنهاية ولدت طبيعي لأني مب فاقدة الأمل والامل بالله كبير وبتفائل خيرً ان نشاء الله هذا ثاني حمل عندي والاول ولدت بقيصري بسبب الضغط. بس في هذا الحمل كنت اتابع وايد وفحوصات كل شهر وتفاجات ببداية الشهر التاسع ان راس الجنين فوق وعطتني الدكتورة تمارين وسويت كل اللي اقدر عليه بس الراس ما نزل تحت وراجعت الدكتورة زينب الشنار وما قصرت حاولت تلف الراس بس مافي فايده لأن موعد ولادتي قريب والماي ما يساعد وتحملت الألم والمعاناه بس للأسف النتيجة سلبية أنا اقول الحمدالله على كل حال بس تعرفون هذه اخر فرصة عشان أولد طبيعي مع ان الدكتورة عطتني امل وقالت اكثر من المشي واشرب زيت الخروع لان الراس يمكن يلف لو في يوم الولادة…. ما ادري اذا احد مر بنفس التجربة وعقب ولدت طبيعي ؟. واللي عندها نصيحة ما تبخل علي لأني خائفة ونفسيتي تعبانه. ويزاكم الله الف خير….

ما عندي فكرة بس ربي يسهل عليج ولادتج

حبيبتي أكثري من الدعاء .. عسى رب العالمين يسهل وينزل راس الجنين تحت .. الله يسهل عليج وعلى كل الحوامل يا رب ..

هلا اختي
انا مريت بنفس وضعج على اخر الثامن درا الياهل فوق
اول التاسع تقريبا راجعت عند دكتوره زينب و الحمدلله بعد معاناة الالم قدرت ادور الياهل و ربيت عقبها بعشر ايام طبيعي
انا بخبرج عن امهاتنا يخبرنا عن طريقه لهذا الوضع و جربيها و ان شاء الله تنفعج
أحبي على طروفج الاربعه مثل الياهل ساير راد و ب هالطريقه يتم بطنج يتأرجح تحت ههههه حلو الوصف ماعندي غيره المهم هذا يعطي البيبي مجال انه يتحرك باريحيه اكثر
و احتماليه انه يدور
هذا اللي عندي و ان شاء الله تنفعج الطريقه و الله يسهل و لادتج

مع السلامه

الله يعينج الغاليه و ان شاء الله ينجلب و تربين طبيعي

انا في ولدي الاول جي ستوالي بس ما تم لين الاخر يعني لين اول التاسع بس الدكتوره

قالتلي اسوي حركات و الحمدلله نجلب

اذا مب هي اللي قالتلج عنها الدكتوره حاولي تسوينها كل وم كم مره

الطريقه هي انج تحبين يعني تمشين على ايدج و ركبج و سوي دواير يعني تمي دوري في مكانج نفس عقارب الساعه و ان شاء الله تنفع وياج

انا بعد داخله اقوولج احبي هايً الحركه اتنزل الياهل

والله يسهل عليج ان شاء الله