شحالكن خواتي ان شاء الله طيبات
سالفتي سالفة ووايد مستحيه اكتبها بس لو ما سالت واستفدت بتمشكل
باختصار اهل ريلي ذوقهم وايد حلو بيوتهم وااااااااااااااو وقسمي 
بيوتهم جي
المهم تبون الصدق انا ما اعرف اختار مثل خواته ولا انسق شراتهن
وطبعا كل الكلام والانتقادات تطلع لاخوهم مب جدامي ان ذوق حرمتك عنقاش للاسف 
وكل هالنقد على حجرة وصالة ببيتهم
المصيبة والطامة الحين
انه ريلي يبني البيت وانا وايد خايفه كيف بيطلع بيتي لاني مول ما اعرف انسق
احس بيستوي اختبار لي والكل بيفضى كيف بيطلع بيتها
شو اسوي ساعدوني
خاصه الحمامات والمطبخ من وين اخذله اشياء حلوة
انا اتحجج ان اخوهم راتبه مو ذاك الزود فما اقدر اختار براحتي 
بس طبعا مب حجة اذا الذوق حلو حتى الشي الرخيص بيطلع حلو
قلتله ياخذ استشارة من مصمم ديكورات يقول ما عندي يا دوب نخلص وناثث البيت بروحنا وانا ما بي اضغط عليه نفسيا وماديا
ساعدوني دلوني على اماكن بيع اشياء حلوة ومودرن ورخيصة بنفس الوقت
هم بيوتهم كلها مودرن واشياء بسيطة وناعمه وانا للاسف كله قسمي حاليا نقوش ولمعه وبلاوي على قولتهم
دلوني جزاكم الله خير
ريحي عمرج و فكي عمرج ,, ترا الاختيار و التنسيق وخاصه لبيت كامل هم كبير ومووت مابتقدرين ف اشتري راحتج و كل شي يكون جدامج جاهز ^^
لو تبين ارقام مصممين اقدر اعطيج
هي مشكله بس ليست مشكله كبيره يعني
ذوق ريلج شلون
علاقتج في خوات ريلج شلون .. لان اذا علاقتك معاهم
زينه ممكن تطلبين منهم المساعده .. ما فيها شي صدقيني
وحتي لو علاقتك معاهم مو لهناك خلهم يساعدونج
بس اذا كلش ما تبغينهم
لازم تستعيني بصديق
لان الاختيار والتنسيق بين الالوان مشكله
اولا اختاري الستائر لانهم الاساس عليه بتختارين الباقي
شوفي اللون لي انتي يعجبج ونصيحه لا تخلين الستائر
كرنفال واقواس خليها بسيطه .. ويفضل لون واحد علشان
تقدرين تنسقين معاه باقي الالوان
الحين اختاري الكراسي واذا اخترتي الستاره ساده
ممكن تختارين الكراسي ساده او منقوشه
بس ما يصير الكراسي منقوشه والستائر منقوشه لا
واختاري لون متناسق مثلا وهكذا باقي الاثاث
بعطيج مثال بيتي مثلا
الستائر مارونيه.. الكراسي خشب القماش زيتوني علي بيج يعني ما اقدر اوصف اللون
حاطه عليه وسائد لونين ماروني وذهبي بيجي .. جهه ثانيه حاطه كراسي ماروني منقوش ذهبي
لان الستاره ساده
بعد ما ترتبين الاساسيات الكراسي والستائر
حاولي انك تختاري الاضائه والاباجورات
بعض التحف واللوحات وراعي الالوان الاساسيه
ان شاء الله يوفقك في اختيار الافضل لبيتك
وارجع انصحك بأستشارة صديق.. حاولي تستعني بخوات زوجك وما عليش شو بقولون
المهم تكسبين عصفورين بحجر يساعدونك وتصير ثقه بيناتكم ..نري الامر سهل
علي فكره زوجي هو من اثث بيت خواته وانا من اخترت لهم كل الاثاث والديكور
بس من غير ما يعرفون طلب مني زوجي ان لا اخبرهم علشان الحساسيه .. يعني الجندي
المجهول .. ممكن زوجك يطلب من خواته علي اساس انك ما تعرفين او ان ..
وفي الاخير الامر يرجع لك عزيزتي .. واي شيْ انا حاضره .. خلي ورقه وقلم ورسمي
روحي مكان الستائر مره ومرتين صوري الالوان اعرضيها علينا بنساعدك ان شاء الله
بالنسبه لسعر ترى مو كل شي غالي حلو .. اهم شي التنسيق والترتيب والاختيار السليم
مع السلامه
بالنسبه للبناء
فيه مشاركه بعنوان ميلس بيت العمر
جدا مفيد وفيه تجارب العضوات
اوكي يلسة الصاله في اي محل بتلقينهم هم منسقينها بكل اكسسواراتهر واذا احترتي اسالي اللي في المحل وقوليلهم ايبولج اكسسوارات تناسبهن
حل ثاني المجلااات. شوفي غرف النوم شوفيهن كيف ترتيبهن وشو القطع الاساسيه بتلقيييين بالهبلل