ذوقنــــي الخيانه اشكال والون ويبيـــــــــــــــــني اســــــامحه ..!! ساعدونــي

[

SIZE="4"]السلاااااااام عليكم ورحمة الله وبركاته …..
خواتي العزيزات …..
عرضت عليكن مشكلتي من قبل ويزاكن الله الف خير ماقصرتن بمروركن العزيز ع قلبي ..
, بصرااااحه واااايد ارتحت من الحلول اللي وصلتني … بس اليوم يايه ابي
حل وبسرعه … ريلي الخاين طرشلي مسج واهو ندمان عاللي سواه وياي وحاس بالندم وتعذيب
ضميره واعترف انه غلط فحقي وااااااايد وانا كنت اسامحه كل مره واعترفلي انه مب قادر يتحمل
العيشه من غيري ولانه حس بصج هالمره انه خسرني ومستعد يسوي اللي اطلبه بس ارجعله ..!!:
وانه مايستاهلني طبعآآ خواتي طرش المسج لاني مارد عليه ومب قادر يشوفني … انا محتااره
والله مب اول مره يخوني عشاان اسامحه واغفرله هالزله .. هذا انسان جذاب مستحيل اقدر اعطيه الثقه من يديد واللي معورلي
قلبي بناتي وااايد يتخبرن عن ابوهن … والله تعبت من التفكير ومآبي اردله لانه خاين والخيانه
تجري فدمه … مرات اقول يمكن هالمره التوبه نصوحه والله هداه بصدق .وحس انه ظلمني وياه.. بس والله خايفه هالانسان شرات الثعلب ماكر وخبيث .. يتصنع اي شي ع اساس يوصل للي يبيه و
انا فداخلي ماعدت ابيه حاسه اني اكرهه لانه غدربي وخاني والخيانه مره….
احساسي يقولي مستحيل هالانسان يتغير لانه انسان جذاب ولا يصلي .. كيف اعطيه الامان ؟
الله يعلم شكثر انا تعبانه ماعادله فقلبي اي محبه….ذوقني الخيانه اشكال والوان وانا صابره ومتحمله وارمي حملي ع ربي والحمدلله الله سبحانه خفف عني همي وحزني….
… وااالله تعبت ابي ارتاااااح من التفكير والهم وحزن بناتي ….ساعدوني الله يساعدكم
واسمحولي ياخواتي ……[/SIZE

]

الغاليه قبل لا تاخذين حلولنا نحن البشر ..

الجأي لرب البشر .. بالدعاء والاستغفار كل شي يتغير من الدعاء سبحان الله

واجر الزوجة الي تصبر على زوجها عظييم عند الله سبحانه .. وهذا جهاد المرأة ..

الحين من الناحية العاطفية لنا نحن الحريم .. مهما قلنا مستحيل بنقدر انحل مشكلتج ..

لكن نقولج تصبري عشان بناتج .. يمكن عاقبتيه بما فيه الكفايه .. تقدرين تردين له مع بعض التغيرات عليه ..

يعني مش نفس ما عودتيه على نفسج .. بيحس بهالتغيير وبيحاول يراضيج

ولازم تتحملين الحياة عشان بناتج .. مهما كان خاين وجرحج لا تستبعدين على رب العباد انه يصلح من حاله ويهديه

وما بين طرفه عين وانتبهاتها يغير الله من حال الى حال ..

لا تيأسين وحاربي عشان ابو عيالج .. حتى لو حاولتي قبل وحاولتي ..

تمي دافعي عن زواجج و حاولي تحتفظين فيه بالذات لو فيه بذره خيير صوبكم.. يعني مب عاقنكم..

لا تترسين قلبج احقاد عليه عشان تتقدرين تتحملين العيشة وياه..

ولو تقدرين تخلين حد من اهله او اهلج يساعدكم لا تترددين ..

والله يخليج لا تسمعين اي رد يقولج لا تردين له او تركيه او حد يحاول يعصيج عليه ..

انتي ملزومه انج تحافظين على بيتج حتى لو هو مهمل حاولي وجاهدي نفسج معاه

مشكوره الغاليه ويزاااااج الله الف خير ع النصيحه ..
ربي يعطيج الصحه والعافيه حبيبتي كلامج وااااااااايد مقنع وان شالله احاول ادوس
ع قلبي عشان عياااااااااااالي بس والله صعب وايد ….

انتي تعرفين ريلج كيف شخصيته

فعشان جي تقولين عنه

الله يسعدج دنيا واخره ويوفقج

ماعليه سامحيه هالمره ورجعيله واذا جفتي ان ما نته فايده ودريه

ولاتنسين اتصلين صلاة الاستخاره

الله يوفقج الغاليه

الله يسهل لج امورج

شو هالرياييل ما بنخلص من سوالفهم البايخه؟؟؟

لاه لاه لاه

حافظي على بيتج قدر ماتقدرين ولاتهدمينه بيدج البنات مالهن غنى عن ابوهم
ولو كان خاين حاولي بكل الطرق تغيرينه ولو مافاد
انتي تغيري غيري حياتج وروتينج ولاتحسسين البنات>> بناتج بأنه في شي
كأنكم كأي اسره سعيده عايشه في هالعالم
صدقيني يمكن هوه روحه بيستغرب انتي ليش متغيره
وشو اللي مغيرنج
يعني حاولي تهتمين بنفسج ودلعي نفسج على قدر ماتقدرين
اكثر ولا تهتمين على سوالفه
خليه ع راحته وانتي حاولي اتدوسين ع قلبج
لانج بتتعبين

هذا اللي عندي
والسموحه

لذيذه