خواتي بغيت أسألكم عن موضة الشنط ألحين
شو اسم الماركة و الشكل اما اللون فأنا أفضل الأســـود او البني ..
لاني مسافرة ماليزيا ان شاء الله وقلت باخذ لي كم شنطة مناك خصوصًا ان بتكون في عروض او تنزيلات فبداية شهر 7 ..
و سؤال ثاني بخصوص موضة اللبس
أبغي شي معقول و مب شاذ عن مجتمعنا بس فكرة يديدة حق العيد ..
ياريت تفيدوني
يزاكم الله خير
•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•
الحين معروف الشنط كيف
الله يسلمج الحين الشنط توني كبيره ولكن الالوان تكون كلاس
لان خلاص موضة الالوان الفسفوريه ولت و سارت . . .
الحين موضة الشنط الشنط الكبيره الكلاسك اللي تكون ألوانها " بيج و اسود و الكاكي و الكركمي و الاخضر الباهت و الوردي و الابيض " . . .
و اهم شي تشوفين الشنطه من ناحية الحزام .
يعني مثلا الحين الشنطه الكبيره موضتها الحين حزامها او قبضتها لازم تكون قصيره بس فيها حزام حق الكتف و المهم في الشنطه الكبيره عسب تعطينها رونق الحزام تخلينه موجود و ما تشيلينه يعني تخلينه طايح فوق الشنطه كشكل و استايل مناسب ..
اما الشنطة الصغيره موضتها الحين الحبل لازم يكون طويل شوي عسب تشلينها شرات حركة " الثمانينات " لاننا مازلنا على موضة الثمانينات و التسعينات . . .
من ناحية الشنط الماركات ..
لازالت شنط شانيل الكلاسك مكتسحه الساحه . و خصوصًا على لونين " الاسود و الاحمر "
و اذا تبين تكونين شوي " صاخبه و فانكي و شقاوه " انصحج تشلين شنط MOSCHINO
لان صدق صدق انا من عشاق هالاستايل و هالشنط . . .
خصوصًا موفرين هالاستايل حق الثمانينات و التسعينات و بما نحن بعدنا على هالموضه فبتالي هالشنط بتعطيج روح حلو و اناقه مميزه عن الكل .. لان الاغلب مازال مستمر على شنط شانيل الكلاسك و شنط ديور و هرمز .
.
.
.
.
من ناحية الملابس ..
الغاليه الحين موضة الملابس هي " الكورية "
بالمعنى ان الملابس الكوريه مع تركيب ثيابهم هي الموضه و الكل ملتزم فيها كـ ملابس كاجوال .
اما من ناحية الملابس الهاي كلاس .
تلاقينهم معتمدين على الفساتين القصيره الضيجه من الخصر و الوسيعه من الاسفل
مثل الهوت كوتر .. و الحزام العريض ولكن الحزام لازم يكون مشغول فيه مثل شرايط و اشياء متعلقه فوقه .
و عندج الاسنكي و الليجنز مازالوا مكتسحين الساحه و مثل ما قلت لاننا الحين في موضة الثمانين و التسعين
و الحين موضة الاسكني الاسترج يعني الجينز الاسترج و اللي يكون ضيج من تحت اي الكاحل و وسيع من فوق الركب . شرات بناطلين الخياله .
و الجاكيتات خلاص ولت موضة جاكيت " بوي فرند جاكيت " و الحين موضة " جاكيتات الجنرال "
بتقولين شو هالجاكيت . هو الجاكيت اللي اييج مع اسفنجت الجتف ولكن فوق الجتف فوقه مثل كرستالات و شج نازل و متعلق مثل شارات الجنرال بس بطريقة انثوية .
و اذا ما حبيبتي هالاستايل . شي قمصان بهالطريقة ولكن مب جاكيت . . .
و عندج موضة الترتر مازالت مستمره و شاله الاضواء كلها لها .. عن نفسي احس ان الترتر و الفولك يعطون المرأه شكل انثوي فضيع ..
بتحصلين من هالترتر في فور ايفر تونتي ون و في توب شوب ..
بخصوص الجواتي .. الحين الجواتي موضتهم
.
.
.
.
و هذيل اللي عندي حاليًا
و برب بسير اكمل مذاكرتي <— دعواتكم انجح
لان المول مالهم روووعه وبتلقين شغلات حلوه ومعظم الماركات
هذا بالنسبه للطابق الاول والثاني فالمول
اما اذا حابه تاخذين هدايا سيري الطابق الرابع والخامس فنفس المول
عندهم شغلات حلوه ورخيصه.
ويوم تسيرين هناك بتشوفين الاشياء الدارجه وبتحتارين
وبتعرفين شو الموضه
وان شالله اكون نفعتج بمعلومه..