خواتي انا مشكلتي مشكلة ويا هالحرمة
يعني لا هي حرمة ريلي (الحمدلله ريلي مب معرس ع غيري)
ولا هي امه (فديت عمتي والله )
ولا حتى وحده من خواته !!!!!!!!!!!
هالحرمة الله يسلمكم هي …. وحدة من معارف اهل زوجي
وانا طبعا ماكنت اعرفها قبل العرس لاني اصلا مب اجتماعيه وماحب اتكلم عن فلانه وعلانه ماهتم يعني
بعد الملجه حضرت عرس اخت ريلي وهناك شفت هالحرمه لأول مره (اسميها ملقوووووووووووووفه بشكل مو طبيعي يعني ماتقربلهم بس يعرفونها … ورازة بفيسها وسايره تعدل الطرحة ورا العروس والمصورة تصور والحبيبه فرررررررررررييييي عادي خخخخخخخخ صدق قهرتني هذاك اليوم بس قلت يمكن هي وياهم وايد يعني كلووووز)
المهم رديت البيت سمعت امي ترمس عنها تقول فلانه صدق ملقوفه يعني صدق هاك اليوم تمت تسوي حركات مالها داعي!! وعرفت من كلام امي ان الحرمة كانت معرسه ومطلقه اكثر عن مره
انا طنشت الموضوع .. ماهتميت ولا فكرت فيها من الاساس
بس بعد العرس بشهر تقريبا يت زارت بيت اهل ريلي وكانت الساعه 1 فالليل (تخيلوو!!) ريلي سمع حشرتها قال (اوووووووووووه اكيد هذي الحشرة فلانه) طلب مني البس واظهر اسلم عليها وطبعا انا مصدومه من وقت الزياره
يعني في ناس تزور ناس وتسهر عندهم لين الفجر … لكن انها تزورهم الساعه 1 فالليل هذي ماحبيتها صراحه
رحت سلمت عليها وتمت تخربط وتخربط وتتكلم وانا بس ابتسم يعني الحرمة ماعرفها وتسولف وياي بسوالف ماااااااااااالها اي داعي!!! وبعد قلت يمكن الحرمة كلوووووز وياهم فـ لازم انا بعد اكون كلوز وياها!!!
ولما راحت تميت اسولف ويا ريلي وقال لي انه صار له سنوااااات ماشافها وايد يعني
المهم بعد يومين زارتنا بعد وتخيلووو اول ما دخلت قال لهم وين فلان (اللي هو ريلي) يعني تخيلو طلبت ريلي ماطلبتني انا!!!!!!!!!!
يت اخته الصغيره وزقرته وقالتله فلانه تباك وطبعا هو قال لي تعالي وياي بنسلم عليها وانا سرت وياه وطبعا مطنشتني الحبيبه وداقه سوالف ويا ريلي!!!
ومن كلامها هذاك اليوم اكتشفت انها تعيش بروحها (عندها بيت طابقين) وعيالها يزورونها فالويكند كل شهر مرة
ومن كلامها فهمنا انها تبي تأجر الطابق اللي فوق من بيتها ….
وطبعا ريلي ماصدق خبر (لانه كان يدور بيت قريب من بيت اهله) قال بس خلاص احنا بنستأجر عندج
وانا وحليلي على نياتي احسب الحرمة طيبه وزينه واحسبها قريبه من اهل ريلي
وعلى هالاساس وافقت ولا بعد تحمست للفكره قلت في بالي استأجر عند حد اعرفه ولا اني اروح مكان غريب ماعرف حد خاصه اني بتم بروحي في الوقت اللي ريلي بيظهر م البيت او بيسير الدوام …..
المهم صار التفاهم عالايجار والاشيا الثانيه بشكل سريع واستأجرنا البيت عندها و وعدتنا انها تسوي جدار يفصل بين مدخل بيتنا وحوش بيتها عشان الخصوصيه على قولتها
بعد ما استأجرنا عندها سمعت من اهل زوجي شوية كلام عن هالحرمة .. انا استغربت وسألت زوجي عنها جان يقول لي
اصلا هالحرمة صايعه من قبل لا تعرس حتى اهلها ماقدرو عليها ويوم عرست ع رياييلها محد رام عليها وكلهم طلقوها!!
انا طنشت الموضوع لانه مايخصني فيها وهي حرمة كبيرة تعرف الصح من الغلط
المهم اللي قاهرني فالموضوع ……………… دووووووووووووم تتصل ع ريلي وكل مرة تييب حجه مختلفه عن اللي قبلها
مره تسأله عن النت …. ومره تسأله شو سوا على خط التلفون … ومرة تسألة متى تباني اسويلكم الجدار… ومره تسأله وين سويتو ستاير بيتكم وتعال مر عليه وخذني للمحل !! … والله كل يوم تتصل به وتطرش له مسجات حتى هو طفرررررررررررررر منهاااااااااااااااااااا وايد
وكل مرة يراويني مسجاتها يقول لي طالعي هذي شو طرشت لي وكله تطلب منه يروح لها عشان يتفقون ع شي او يسويلها شي او يدليها على شي !!!
تخيلو اذا دقت عليه ومارد عليها اتم اطرش له مسجات (ليش ماترد علي! ليش ماتبي تكلمني! ليش انا شو سويت لك!)
تخيلو مره حليله كان راقد الصبح ونش سار الحمام ورد يكمل رقاده وطبعا التلفون صامت (وانا كنت فالدوام )
اتصلت عليه ومارد عليها … جان اطرش له (انت ليش ماترد علي .. سمعت خطواتك وادري انك واعي رد علي) ويوم نش من الرقاد كنت انا رديت من الدوام قام اتصل عليها ويقول لها شو تبين قالت (بس كنت ابا اسلم عليك واسألك ليش ماسرت الدوام واذا فيك شي ولا محتاج شي ترانا فالخدمه!!!!!!!!!!!)
(وعلى فكره احسها دوم تيلس تتجسس علينا شو نسوي ووين نروح ومتى نرجع!!… اذا طلعنا انا بسيارتي وريلي بسيارته تتصل تسأله شو تزاعلتو! واذا سمعت حشرة فالبيت تتصل تسأله شو حد عندكم؟ تخيلو مره اخته يت تنام عندنا وطبعا الحرمه حست انه في حد ويانا فالبيت … تخيلو الساعه 3 الفجر اتصلت على ريلي تسأله انتو حد عندكم؟ والله ريلي فديته قال لها هيه عندنا جني شارد من عندج طفر منج خخخخخخخخخخخ) وبعد ماتابت اليوم الثاني العصر يت اونها تزورنا بس عشان تشوف منو عندنا!!! )
وللعلم يعني عمرها مادقت علي الا اذا كان شي ضروووووووووووري ودقت ع ريلي وطنشها ….. اخر شي تضطر انها ادق علي انا مع اني ماسويت لها شي والله بالعكس اتعامل وياها زين وفالاخير تروح بيت اهل عمي تقول لهم ليش حرمت ولدكم جيه!!!!!!!!!! اونه اني انا مارد عليها واني ماسويلها سالفه مع اني والله مره وحده بس مارديت عليها لاني كنت فالمول يالسه في غرفته القياس اجرب ملابس ومارديت ويوم ظهرت نسيت سالفتها!)
لا وشوفو الشي اللي يقهر
اتفقنا مثل ماخبرتكم انها تسوي جدارين يفصلون بين مدخل بيتنا وحوش بيتها
والله كل يوم ريلي يقول لها يا فلانه الجدااااااااااااار سويه
واذا انتي مابتسويته احنا بنسويه
وماطاعت
لين الفترة الاخيره يت في بالي فكرة جهنمية خخخخخخخخخخخ
قمت اتعمد اخلي باب الشارع حق بيتنا مفتوح ليل نهار عشان هي تتضايج لانه اذا حد مر فالشارع يشوف يشوف مطبخهم ومدخل بيتهااا
طبعا هي تضايقت من هالشي وطلبت مننا نسكر الباب بس مافي فايده ماسكرناه
لين اخر شي سوت جدار (اللي يكشف ع بيتها) … والجدار الثاني (اللي يطل ع دريشة غرفتها) سوته شبك !!!!!!!!!!!! يعني تروم تشوفنا اذا طلعنا او دخلنا !!!!!!!!!!!!!!!
واللي يموت قهر انها حولت بريدها ع بريد زوجي!!!!!!!!!!! طيب لييييييييييييش رغم ان عندها بريد!!!!!!!!!!!!!!!!!!! والله بتذبحني هالحرمه صدق صدق
المشكلة خواتي ان هالحرمه عليها كلام وصخ!!! وحسد عيني عينك!!!
يعني والله اكثر عن مره نكون يالسين في عزيمة ولا شي وتقعد تنغزني فالكلام لاني في نظرهم عروس يديده !!!
تخيلو مره يالسين انا وريلي وام ريلي ابو ريلي وحرمته الثانيه وهالحرمة ويانا ونرمس عن الشغاله (لانه كنت اسالهم عن شغاله بالساعه)
قالت هالحرمه وطبعا تكلم ريلي انا بالنسبه لها غير مرئيه (ليش ماتييبون شغاله دائمه… لان حرمتك بتربي وتشتغل ولازمها خدامه) انا رديت عليها بعصبيه
مابي خذامه بيتي صغير واحنا اثنين وبعدين في حضانه في مكان شغلي يعني ماحتاج خدامه دائمه
ريلي قام رد عليها بعد وقال لها ( والله انا بييب لها بدال الخدامه عشر بس المشكله البيت صغير ومانبي حد يتم يراقب تصرفاتنا 24 ساعه واقفه امبينا مانروم نسوي شي )
تخيلووووووووو جان ترد عليه ( والله لو بغيت حرمتك ياخي في غرفتكم ولا يعني ما…………………!!)
والله قالت كلام وصخ ماعرف كيف قالته جدام ريلي وعمي!!!!! يعني والله انا استحي اقوله عند ربيعاتي!!
وكله يوم ترمس عني انا وريلي ترمس عن هذيك الاشياااء الخاصه يعني كأنه محد يسوي جيه الا احنا!!!!!!!!!!!!
المهم خواتي ادري طولت بس والله من القهر يعني هالحرمه ماعرف شو اسوي وياها
يعني ريلي يكررررههاااااااااااا وايد بس هي تتلصق فيه
وانا الحمدلله واثقه في ريلي وهو مايخبي عني شي بالعكس والله لو تشوفون كيف يعاملها
بس هالحرمه ماعرف كيف !!!!!!!!!!!!!
يعني مادري انا دوم المح لريلي انه يبتعد عنها وهو وحليله والله يحاول بس هي ماتعطيه مجال يعني كل مره شي وانا طنشناها سارت ترمس علينا قدام كل معارف زوجي !!! المشكلة يعرفونها انها من هالنوع بس بعد مب حلوة في حقي انا وزوجي!!!!!!!!!!!
والمشكلة الثانيه بعد ان احنا مسووين عقد الايجار من مكان شغلي ولازم انتم في نفس المسكن 4 سنوات او بياخذون عنا 30 الف !!!
يعني ماااااااااااعرف كيف اتعامل وياها وكيف اخلي ريلي يبعد عنها نهائيا واخليه تبعد عن ريلي نهااااااااائيا!
يعني مهما كان هذا ريلي وماحب اشوف حرمه ثانيه تتلصق فيه!!
خاصه انها مرات تكون في بيتها بروحها وتطلب منه ينزل يشوف ليش الشي الفلاني ماشتغل عندها!!!!!!!!!!!! كيف تستقبل ريال مب محرم لها في بيتها بروحها!!!!!
يعني مرة اتصلت عليه فالليل وقالت له تعال شوف النت ليش مايشتغل عندي … ويوم شغل ريلي اللاب توب لقا الاشارة حق الوير لس مالها تشتغل عندنا كييييف مابتشتغل عنها؟!!!!!!!!!!!!!!!!!!!!
صدق صدق انا مقهورة منها بالقو خاصه من اخر موقف سوته ويانا!!!!
خلي ريلج يغير الرقم ؟؟ وحطوا جدار من بينك هذي خصوصية؟؟
وقولي له ما يرد عليها وإذا رد عليها وبغته بشي سخيف نت وغير يقول لها انا ما اشتغل عندج
ولا انا اخوج عشان اساعدج ؟؟ وهذي الاشياء زقري لج هندي يسويها ؟؟
مره خلوا ويوهكم لوح وياها ما تستاهل تجاملونها ؟؟
المفروض من البداية تشرطون عليها انكم تسوين جدار فاصل وما تنتقلون لين ما تشوفون الجدار؟؟
والسموحة
المشاركة الأصلية كتبت بواسطة الحلا مبتليها 
خلي ريلج يغير الرقم ؟؟ وحطوا جدار من بينك هذي خصوصية؟؟
وقولي له ما يرد عليها وإذا رد عليها وبغته بشي سخيف نت وغير يقول لها انا ما اشتغل عندج
ولا انا اخوج عشان اساعدج ؟؟ وهذي الاشياء زقري لج هندي يسويها ؟؟
مره خلوا ويوهكم لوح وياها ما تستاهل تجاملونها ؟؟
المفروض من البداية تشرطون عليها انكم تسوين جدار فاصل وما تنتقلون لين ما تشوفون الجدار؟؟
والسموحة
الغاليه اصلا ريلي عنده رقمين واحد مايستخدمه وايد (وهذا اللي عطاها فالبدايه ) والثاني اللي دوم وياه
ولما شافت انه مايرد عليها وانه ساعات مغلق قامت تسأل وتسأل لين طلعت رقمه الثاني!!!
وترى والله ريلي دووم يرد عليها يعطيها كاش فالويه ويقول لها ييبيلج هندي يسوي
ويقول لها انا مب فاضيلج
يعني والله لو تحس مابتتصل به مره ثانيه بس ماعرف هالحرمه شو من الحريم!
انا والله لو ادري بها جيه من البدايه ما كنت بستأجر عندها بس عن كثر ماكنت اشوفها في بيت اهل ريلي قلت يمكن الحرمه صدق طيبه وخاصه في بدايه زواجي ماكانو يتكلمون عنها بسوء لانه انا بالنسبه لهم يديده في بيتهم
الحين عاد قامو يقولولي كل شي عنها!!!
ماشي حل الا انكم اتدورون مكان ثاني وتبتعدون عنها للابد لانها صدق غثيييييثه وعلللللله
الغلطة غلطتكم من البداية دام ريلج يعرف انها كذا وكذا ليش عقيتوا عماركم في النار ><
الحين مايفيد العتب
مثل ما قالت الاخت خلوا ويوهكم لووووح مب بس لوح إلا بليوت
وبدل الكلمة ردوها عشر .. ولا اتسوون لها سالفة
والحل الأمثل اتروحون مكان ثاني والثلاثين دبروها اختي
الله يعينج
وإذا ظهرت منه لازم تتدفع 30 ألف
والله الغالية غلطتوا يوم طولتوا بمدة الايجار ؟؟ انتي يوم واحد ما قادره تستحملينها؟؟ كيف 4
يختي وقفوها عند حدها عيل