دياي مع الخضار بالفرن وأرز ولا أحلى.:.من مطبخ غلا26 من مطبخ الامارات

السلام عليكم ورحمة الله وبركاته
:
:
ما شاء الله لاقوة الا بالله

شحالكم عساكم بخير..اليوم انتوا معزومين عندي الصراحه وصفه يمي يميشن صراحهـ..وسهله وما تاخذ وقت اذا انتي مرتبه وقتج,,,
تفضلوا وان شاء الله تعيبكم..

يالله نبدأ بالمقادير
× دجاج > مقادير حشو الدجاج (جزر مبشور – بصل مفروم – فلفل حار او بارد – ثوم + زنجبيل مدقوق – كزبرة مفرومه – نص ليمونه – صويا صوص – ملح وبهارات مشكله المفضله لديك)قسمي الحشو الى جزئين جزء لحشو الدجاج ضعي مقدار منها بين جلد ولحم الدجاجه
والجزء الثاني نضيف له اي خضار موجوده لديك( كوسا بطاطس خضار مشكله مثلجه زهرة ) الحشوة ماخذتنا من وحده مادري اي مدونة الله يجزيها الخير
× عيش مغسول ( بصل مفروم – فلفل حار – بهارات صحيحه – كمون – مكعب ماجي)

الطريقه:

المرحله الاولى
× في صينية فرن مدهونه تحطين الدياي والخضار ونغلفها بالفويل مرتين وتدخلينها الفرن مدة ساعه بالضبط وعقبها نفتح الفويل ونحمر الدياي من فوق

المرحله الثانيه
× في جدر مناسب تقلين البصل مع شوية سمنه او زبده او زيت على راحتج مع الفلفل والبهارات الصحيحه وعقب تحطين العيش المغسول وتضيفين الكمون ومكعب ماجي وتكونين مجهزة ماي حار وتضيفينه على العيش وعقب تشوفين طعم ماي العيش اذا محتاج ملح والا لا,,يوم استوى صفيته ورشيت عليه صبغه ورديته الجدر مرة ثانيه..وعقب ما خلص الدياي حطيته على العيش مع الصوص والخضار وبس وانتي وطريقة تقديمج وعوافي