بصراحة… هالموضوع أكتبه بنفسي..
يعني لا منقول ولا غيره…
كثير ما نسمع بحالات طلاق وغيره…. شو السبب؟؟ هل السبب إنه البنية قبل لا تعرس كان تفكيرها الطلاق والانفصال؟؟؟
هذا حتى مب حلم وحدة خبلة.. كل بنية تحلم بأنها تلبس الفستان الأبيض وتعيش ويا ريلها وتيب عيال وتسمع كلمة ماما…
بس للأسف في بعض الأحيان يتلاشى هالحلم وترد البنت لبيت أبوها
طبعاً أنا ما بقول إنه اللوم ع الريال.. لأنه مرات يكون اللوم ع الاثنين ومرات ع طرف واحد..
المهم خواتيه.. في واااايد حريم يتطلقن والسبة دفاشة الريال..
بعطيكن بعض الأمثلة…
يعني مثلا الحرمة ويا ريلها راحوا السوق.. طلعت خصلة من شعرها.. يقوم يمطها من كشتها ولا يعطيها كلمتين تجرحها ولا يقول إنها متعمدة كل هالأشياء تخلي طلعتهم تتحول لمشاكل.. لأنها هي مب قاصدة تطلع شعرها.. هي عارفة إنه وراها رب يعاقبها.. فليش يسمعها مثل هالرمسة؟؟
المفروض يقول لها لون شعرج وايد حلو… أو خصلج ناعمة.. أو أي شي يخليها هي تستحي ع دمها وتخش شعرها..
ومثال ثاني…
لو الحرمة طالعة ويا ريلها.. وطلع جزء من جسمها.. فرضاً رقبتها.. مب ايي ويشمخها ولا شي جيه..
المفروض يقول لها.. رقبتج خلتني أشتاق أرد البيت بسرعة عشان…….. أو يقول لها لو تمينا ع هالحال لازم نرد البيت… لأنه ما بمسك عمري… انتي عذاااااااااااب…
أي كلام حلو يخليها تستحي وتتغطى وفي نفس الوقت تشتاق إنها ترد للبيت..
وهالأشياء كلها تخلي الحرمة تتعلق في ريلها أكثر وأكثر..
والعكس صحيح…
يعني لو الحرمة شافت وحدة تربع ورا ريلها المفروض تقول له ابا ارد البيت ادخنك عسب لا يسرقونك مني…
أو إذا شافته يطالع غيرها.. أدري إنها بتنقهر… بس المفروض.. إنها تقول له كلام يخليه يستحي ع دمه..
يعني مثال.. خلها تموت قهر شو ما شفتها تراك ما بتاخذها.. بس بتيب لك آثام…
وشي أمثلة وايد..
والبنات إن شاء الله ما بيقصرن..
بس كنت أريد أوضح إنه هالأشياء يمكن تعتبرونها تافهة… بس صدقوني كثر الدق يفج اللحام..
وألزم ما على الحرمة شرفها.. يعني لو الريال مرة قال لها انتي مطلعة شعرج بالعمد.. ممكن تطوفها ولو حزت في خاطرها..
بس المرة الثانية والثالثة ما بتسامحه…
وبعد شي ثاني.. الحرمة يوم تتعب في الشغل وتحاول تسوي الليالي الرومانسية.. محتاجة لكلمة حنان من ريلها.. محتاجة لضمة… هالنقص يخليها تحس بحزن واكتئاب.. وممكن ضعاف النفوس يدورون هالحنان من برع..
عطوني مواقف
حبيبتي في ناس ما تقدر تتحكم بعمرها وخصه اللي غيرتهم نار…سوا من الريال او الحرمه…وشي منهم يعصبون ويتضايجون ويتمون طول الطلعه معصبين والحرمه ماتعرف شو السالفه ترجع البيت ريلها ينفجر بويها ويقولها ليش مطلعه رقبتج او خصله من شعرج والحرمه فقيره مب حاسه بعمرها…بس انا جي اشوفه اهون ايود عمره لين البيت……..
وحتى الحرمه لو شافت بنات متكشخات الله يهديهم تسحب ريلها وتسوي سالفه جنهم بياكلونه وجي غلط ترجع البيت واتم زعلانه وتقارن عمرها فيهم وعادي تسوي سالفه والموضوع ما يسوى
صح كلامج عادي هالأمور اللي نشوفها سخيفه على كثر ما تتكرر تسوي مشاكل وتوصل للأنفصال وغيره
بس تبين الصدق هالشي ماله حل إلا انه يكون بين الريال وحرمته نقاش وكل واحد يكون فاهم الثاني وفاهم طبعه صح عشان ما يحاول يضايجه او يسوي شي يخلييه ينفعل…..
وصدقتي
الحل بالنقاش..
ممكن الحرمة لو ريلها يقعد ع الايميل إنها تطرش له الموضوع
عقب ما يقراه يناقشها
هذا إذا كان من النوع اللي يحس بغلطه..
أما لو من النوع اللي يتحسس من كل شي فالأفضل ما تطرش له…
بس لازم يكون شي نقاش بين الحرمة والريل..
وممكن الحرمة تقول لريلها يوم ينبهها لشعرها.. يزاك الله خير.. لأني كنت بدخل النار لو ما نبهتني…
مشكور ع التنبيه وفي ميزان حسناتك يا رب..
ومن هالكلام اللي يحببه إنه يخبرها بدون مشاكل..
والحرمة لازم تنتبه لنفسها أكثر…
تسلمن الغاليات ع المرور
يسلموووووووووووو
^______________^