دعواتكم لي بنات…. رعاية الاطفال

أنا متزوجة من ثلاث سنوات وكنت عايشة مع زوجي أيام حلوة وسعيدة وعندي ولد وبعد ما ربيت بشهرين ريلي تعرف على وحدة مطلقة و أكبر منه وعمدها عيال وقرر يتزوجها… وتزوجها… المشكلة إن الحين لاعبة في راسة وسوت بيننا مشاكل وايد ويبى يطلقني وقال باجر بيروح المحكمة… وأنا من شهر ونص قاعده بيت أهلي حاولت أتفاهم معاه بس ما كان يرد على مكالماتي ولا رسايلي

ِشو أسوي والله الدنيا في عيني أظلمت ولا إني عارفة شو أسوي وإلا كيف أتصرف وهو ما يسمع كلام حد أبدا
ما أريد ولدي ينحرم من أبوه

دعواتكم لي يا بنات عسى ربي يستجيب دعواتكم

لا حوول و لا قوه الا بالله

الله يهدي ريلج و يرده لج

ما اعرف شو اقول لج الصراااحه ,, لانه ما يكلمج و ما اترومين توصلين له

و يبغيج باجر بالمحكمه ,, و الله ها البنت خطيييييييييره كيف اتأثر بالريال بها الدرجه

دخلي حد من اهلج بالسالفه يكلمون اهله يمكن تتسهل الامور شوي

حسبي يالله و نعم الوكيل من ها الاشكال اللي يلعبون بروس الرياييل

و ريلج الله يهديه فرت مخه بسهوله ..

ما قول غير الله يصلح حاالج و يسر لج امورج

و كثري من الاستغفار و الصلاه و ادعي له دووم عسى الله يهديه

حسبي الله ونعم الوكيل

حبوووبه اقري سوره البقره واستغفري

ربي يفرج عليج

الله يفرج همك ياارب اختي ما اقدر الا ادعيلك وان شاءالله ربي ما بينساك ابدا ادعي لنفسك ولبنتك واقتنعي بنصيبك الي الله قدره لك مهما كانت الظروف قاسيه ولاتنسي انه الصبر مفتاح الفرج اصبري وستنالي باذن الله

تسلمون الغاليات

المشكلة قبل حلف لي في يوم لو طلقني تعتبر الثانية طالق وما تتم على ذمته فما أعرف شو الحكم قبل ما يسوي أي شيء

الله يفرج همج أختيه

الله يعينج