شلونكم يا عضوات سيدات الامارات
اليوم يايبة لكم درس يديد طبعا وهوا ينفع للحفلات طبعا وبالاخص للي يحبون اللوك الاوفر
ونشالله كل مرة راح انزل درس بشكل
ونروح خمول المدونة مرة وحدة
اول شي راح اعرض لكم الاغراض الي استخدمتها عشان البنات الي يبون يستفسرون يقدرون يعرفون الاغراض الي انا استخدمتها
وفي اشياء خفيفة نسيت اصورها بس اي استفسار ثاني انا حاضرة
يالله نبتدي بســـم الله …
لاتردون نطروني اكمل الموضوع
1. اول شي حطيت البيس على كامل الويه من كلارنس ولونه زهري ولكل البشرات ومع لمعه روعه
2. حطيت الكونسيلر من ماك
3. حطيت مضفي البريق على الوجنتين من كلارنس وايد مناسب لاضفاء بريق واخفاء السواد خصوصا للبشرة الحساسة جدا ممتاز
3. وزعت البودرة السائبة على كامل الوجه ماعدا جفن العين
4. وزعت بودرة برونز من قوش وايد روعه ولونها خيالي تقدرين تستخدمينه للويه وبلاشر
5. وضعت بودرة سائبة من ماك بعد مع لمعه عشان مايتوسخ محيط العين
6. وزعت لون اخضر فاتح شيمر على جفن العين بس من جدام مثل مانتو شايفين
7. حطيت لون اخضر اغمج منه مائل للفسفوري بعض الشي وفي لمعة بس على الخفيف
8. حطيت لون الموف أعلى الجفن المتحرك
9. ندمج الالوان كامل وهذي النتيجة :
10. حطيت لون اسود بين الجفن المتحرك والجفن الثابت ودمجته مع الالوان
11. هني حطيت لون كحل زيتي على اخضر شيمر من مكياجي
12. نمد بنفس لون الموف اسفل العين بهذي الطريقة :
13. نرسم الكحل فوق العين وهني استخدمت انا كحل كريمي من بوبي براون بس لانه مب مرن حطيت معه اي سيل من بيكسي وصار الوضع وايد تمام
14. نرسم بنفس الاي لينر تحت العين
والحيييييين النتيجة النهائية مع وضع المسكر وبعض الرموش واللمعة طبعا ونشالله تعجبكم
ونشالله يكون عجبكم وافادكم اهم شي
وعندي ملاحظة انا ماعندي اي مانع اذا نقل الموضوع لاي منتدى ثاني للأفادة ولكن شرط ذكر المصدر والي اهوا انا
والي ماراح يسوي هالشي مب محلل عليه
وسلامتكم
يسلمووووووو ع الطرح يالغاليه
حبيت دمج اللونين الاخضر والبنفسجي ^^
تسلمين غناتي
ونترياا الزود من صوبج ^^