دخييييييييييييييلك ياولدى أرحمنى..ياالله…! لتربية الطفل

سامحووووووووووووونى خواتى غثيتكم ويايه تعرفون ألى يصير ويايه وويا رشود ماخبر حد غيركم ,,للانه احس انه انتو اقرب من خواتى ,,تعرفون انا يوم اقول حق خواتى..يقولون باجر بتعرسين وبتنسين بو رشود وولدج باجر بيكبر وبينسى ابوه الله يسامحهم الله العالم شو بيصير فى الايام اليايه..بس انا متعبنى رشود فديته هو ترى روحه ماعنده اخوان يلتهى وياهم يلعب وهل ابوه بعيدين عنى يعنى انسيرلهم بسياره ..اليوم يتنى البشكاره تقولى مدام راشد يقولى كم رقم باباه انا ابغى اكلمه,بس لاتقولين حق ماماه ترها بصيح وانا مابغى ماماه تصيح انا بس اصيح انا احب باباه وايد وايد وايد .وانا قبل لاتينى البشكاره تخبرنى نشيت الصبح اقول حق رشودى اليوم الجمعه قول الله يرحمك يا با باه سار قال حق البشكاره انا اسمعه وهو يقول قولى الله يرحم باباه..دخيييلك ياولدى بس تعبت تعبت .ارحمنى يا لله.ومشكوره كل وحده ترد عليه ,بس لاتقولون عورتى قلوبنا مابغى احس بالذنب انى ازعلكم احبكم فى االله.

الله يرحمه يارب العالمين

فديته رشود حيااتي والله وان شاء الله تكونين الام والاب والقدووه الحسنة ان شاء الله

ياختي لازم الياهل بيسوي جذيه لانه ما يفتهم ومع الايام بيتعود على غياب ابوه الله يرحمه

فنصيحة اختي روحي عيشي عند عمتج .. افضل لج وله ولاتنسين ان اللمة اتخفف الهموم

الله كريم

الله يرحمه يآرب

الله يصبرج يالغلا
و الله قطعتي قلبي

الله يجعل ولدج من الذريه الصالحه يارب ،، و عسى عينج تقر به يااااااااارب

الله يرحمه ويتغمد روحه الجنة يارب وتشوفينه اهناكي وتنسين كل الأحزان بإذنه

ويارب ربي يجعلج أقوى مرة في العالم تربي راشد أحسن تربية وتعوضه حنان الأب … يارب يارحمن يارحيم

استغفري وايد بترتاحين

اقري القران ابصوت عالي … وتأملي كل حرف حرف شوفي كيف بترتاحين …

الله يرحم بو راشد ويصبر راشد عفراق ابوه وان شاء الله من اهل الجنة اللهم امين الغالية راشد ما اعرف عمره كم بس يبين انه بيبي بعني بمرحلة النمو وهالمرحلة الطفل في طور التاسيس لاتشحينيه بالسلبيات واللي معناه الصياح الزعل لا خذيه طلعيه وديه الحدايق عند اهلج وصدقيني شوي شوي بينسى مرة ارقدي بيت هلج او هل ريلج ويا الصغارية لا تحاولين تاخذينه وين كنت تصيرين ويا المرحوم الله يرحمه غيري جدول حياته كله لان الحياة موبس فقدان غالي لا الحياة تستمر وخلي راشد قدوة مستقبلا يحمل اسم ابوه باعلى المناصب وان شاء الله يكون رجل قيادي باذن الله وعوضج سنين التعب اما العرس حبيبتي ما حد بيكون شرات ابوه ولا بمجرد تفكير عذاب الوحدة ولا عذاب رجل غريب

الغااااليه . شووفي يمكن ردي يكوون مختلف عن البااااقيااات ..

الحاااله اللي فيها ولدج انتي السبب فيها .. انتي اللي امعيشه الولد بحزن ونكد .. ما يصير حبووبه ..

شووفي انا عندي مثل (( اليتيم يتيم الام مب الاب )) يعني ولدج حاااله احسن من غيييره بوااايد .. لي اهل الام اتوفت وعياالها صغااار وااايد يعني قووم بو 3 سنين و 4 سنين .. تتحرين فراااق امهم اسهل عن الاب ؟!!!

الصغيييير دااايما يحن للأم اكثر عن الاب .. وشووفيهم الحين .. يووم تسألين عن امهم داايما يقوولون ربي يرحمها مع انه الولد هذا كبر ولدج .. لانه نحن امعلمينهم وبنفس الوقت ما حسسناهم بالحزن والغم والصياااح مثل ما انتي اتسوين .. ع العكس ماشالله عليهم مستاتسين الحمدالله

ما يصيير هالكلاااام .. حطي ف بااالج .. انه ريلج اماااانه .. وملك لرب العااالمين لا انتي ولا غيرج يقدر يقوول لرب العالمين لا تااخذ رووح الغااليين علينا ..

بسج حزن وصيااااح .. وشوفي عمرج واوضااع ولدج .. وغيري من نفسج .. وخلي بيتج فرح .. لين متى بتمين جذي ؟؟ !!
واايدين افقدوااا غاالين عليهم .. من عياال ولا افقدوااا امهم و ابوهم .. بس خلاااص مشووو اموورهم ..
ابسط شي .. اترحمي عليه .. واهتمي ف ولده . والدنيا بعدها ماااشيه ..