دخيلكم ابي رايكم ؟ايب بشكاره ولا رعاية الاطفال

مرحبا خواتي من يومين سافرت بشكارتي انا يالسه مع اهل ريلي والصراحه بيتهم اكبير وما شاء الله عنده م شباب وطلابتهم وايد وانا عندي ثلاث يهال صغار واتعرفون اليهال ما شاء الله ما يلسون مكان واحد واهل ريلي مو مراضين ايبون بشكارتين حق بيتهم ويوم قبل اشل خدامتي مثلا بيت ابوي يتمون يتحرطمون من وراي مع ان بشكارتي تشتغل لهم الصبح يوم اليهال رقود والظهر وقت الطبيخ بعد اتساعدهم والحين محتاره ما ادري ايب لي بشكاره ولا لا

اعتقد انت حرة اذا بتيبين خدامة ولا لا

اذا محتاجه هاتيها لج واهل ريلج مالهم اي دخل بخدامتج … اوكي مافي اي مانع تساعدهم لكن تاخذينها وياج وين ماتروحين ومالهم اي حق يتحرطمون وفهمي ريلج هذا الشي

اما اذا ريلج يباها اتم عندهم 24 ساعة هذا شي ثاني …. بس انا لو منج بييبلي خدامة خاصة فية … وتكون لي انا وعيالي واذا ماعندها شغل وفاضية تساعدهم بس ….

هاتيها بس تكون خاصة لج يعنى مب الكل يتكم فيها

هاتي خدامه وليش ماتيبين . . ؟!
خليهـآ لج ولعيالج بس . .
حلـوة هآي يتحرطمون بعد ><"
ماعليج من حد فديتج ، دآمج تبين خدامه هاتيها دام ريلج قادر اييبلج وحده . .

مشكورين حبايبي ع الردود بس المشكله ريلي يستحي يقول لهم مع ان بشكارتي قبل تشتغل لهم وتساعد بشكارتهم بس اللي قاهرني ما يفهمون ان بيتهم كبير ودوم ايونهم ضيوف وربع الشباب واذا البشكاره اشوي يت عندي وهم عندهم ضيوف ياللا عاد اسمعي الرمسه اللي بتيج

يبيلج مربية .. ولا قوليلهم الشغالة ماتطيع تشتغل وانا ماروم اغصبها

الله يعينج .. بس هالزمن الطيبة ماتنفع .. ومحد مرتاح غير الي ويهم لوح وياخذون حقهم بالكامل