سويت دخون يديد لأني شريت كمن مره وما عيبني وحبيت أخبركم خلطتي يمكن تستفيدون مثلي وتفتكون من المشتريات إللي مامنها فايده .gif "12 (34)")
المقادير
تولتين ونص مخلط خاص بالدخون من أجمل قيمة التوله ب70 درهم ، في عندهم أنواع أرخص إذا بغيتي
تولتين ونص عطر بلاك اكسس ، أو أي عطر ثاني يعيبج
مقدار كوب الجبن الصغير سحال
ربع كوب مسك العادي
وملعقتين مسك الكسر طبعا لازم تطحنينه
إذا عندج بقايا من العود الزين حطيه معاه ، أنا مرات أحط ومرات لا
ماي ورد مفور مع سكر
بعد ما تخلطين العطرين مع بعض
تجهزين الخلطه الناشفه ( السحال والمسك ) تخلطينهم زين ما زين
بعدين تصبين العطر وتدعجين الخليط زين مازين كأنج تسوين بثيثه
وعقب تصبين ماي الورد بالسكر على الخلطه وشرات ماسويتي بالعطر وتبدين تكورين الدخون وتحطينه في غرشه
خلي الدخون فتره لأنه كل ما تخمر يستوي أحلى يعني تقريبا شهر أفضل
وحبيت أخبركم ان من خلال تجربتي العطور إللي تنباع عند الهنود تكون مخففه ومب شرات عطور أجمل ، يعني ما تعطيج الثبات المطلوب في الريحه .gif "12 (99)")
واسمحولي على الشرح التعبان .gif "12 (61)")
اكيد الريحة رووووعة
.gif "12 (5)")