شخباركم عساكم بخير
بخبركم بسالفتي بس لحد يضحك 
امس الله يسلمكم كنت في بيت هلي خبركم الاهل كلهم متجمعين
و انا كنت متفقه مع زوجي اني بنام في بيت هلي..
وكانت عندي بنت اختي اسمها فطومه عمرهاا 4 سنين ونص هالبنت احبها حيل والله جنها بنتي
وهي تموت علي .. وتخيلو من تشوفني ماتبي امها كله متعلقه فيني ..
المهم شوي الا ريلي مسوي لي تلفوني يقولي طلعي يلا بنسير البيت
قتله انا متفقه ان بنام بيت هلي قال شو يعني ماتبيني
قتله ولايهمك الحين طالعه..
وسرت خبرت خدامتي ان ترتب الاغراض ان بنسير
شوي الا بنت اختي تصيح تبيني وماتبا تهدني ماسكه بعباتي
وتصيح وامها تبي تأخذها وهي تضرب امها ماتبيهاا ..
المهم قلت حق اختي بوديها معاي بيتي وخذتها وسرنا
ونحن ع الطريق نامت وحليلهاا
يوم دخلت بيتي الا شفت بالحديقه الورود مفتحه وحلوة اشكالهم الاقلت لزوجي حلوين الورود قام نزل بسرعه قطفهم يقولي عشان مايستوي بالبيبي اللي ببطني فديته والله ودخلنا البيت..
عاد جاتني فكره اني انثر الورود ع السرير وتحت السرير وجي
طلع شكلهم حلووووووو وريلي استانس فديته..
الظهر يوم قمناا من النوم انا كنت اتسبح
الاخدامتي دخلت ترتب الغرفه والورد منثره في كل مكان تخيلوو ..خخخخ
و انا من النوع اللي دوم اقفل حجرتي مااحب الخدامه تدخل وانا مو فيهاا..
يوم طلعت من الحمام الا هي واقفه عند الباب
وتقولي
[ مداااااااااااااام منو هذي نثر ورد هشكل سيم سيم بيبي..
انا شوي واضحك في ويهاا خخخخ
قتلهاا هااا شوو ايي هذي فطومي قامت بالليل ونثرت الورد>>> ماعرفت شااقول ادخل شي في شي خخخخخخ]
وربي مت من الضحككك .. احسها ماصدقتني
لان ماتوقعت تدخل انا كنت حاطه في بالي اني بسبح وبرتب كل شي بروحي..
صج انا كذبت عليها بس من خوفي على بيتي
وريلي شو اسوي
وربي ياما بيوت تهدمت بسبب هالبشكارات عيونهم حاره
بس حبيت احذركم منهم ..
صج موضوعي طويل بس حبيت اضحكم معاي
لاني من الظهر مب راضيه اسكت من اتذكر اقعد اضحك
ان شاء الله يكون موضوعي خفيف ويونسكم شوي
يت عددددله ومرت على خير ..
فعلا الخدامات يقعدن يتفكرن في الشي وعيونهن حااااااااره.. ومن ناحيه ثانيه إحرااج
وربي يحفظج ويهنيج دوم ويوفقج ف حياتج
ويحفظج فطامي الكتكوته لاهلها يارب^,^
بدون استئذان ؟ عاد تعرف إنتي ناثرة
الورد ولا لاء كثر ما هو مهم تأكدين
لها إن ما تدخل الغرفة بدون استئذانج
الله يوفقكم يا رب