اول : شي نظفي الدجاج عدل ….وتقطعينه بالطريقه اللي تعجبكم يعني اربع قطع
ولا ست قطع براحتكم ….
ثانيا : هاتي اي نوع خضار اتحبينها ……حسب الرغبه
طماطم
فلفل اخضر
بطاطس
خيار
كوسه ………..وقطعيهم قطع كبيره علشان ما تروح قيمتهم الغذائيه
غطي الصينيه بالقصدير ….مثل ما انتي شايفه في الصوره اللي فوق
صبي عليها زيت ………اي نوع اتحبينه او تستخدمينه
رصي قطع الدجاج فيها
حطي فوق الدجاج الخضار والبهارات وحسب الرغبه بعد ….يعني ملح كركم فلفل
ادعكي البهارات بالدجاج والخضار علشان يكون متوزع عدل في كل الطبخه
بعد ما رصيتي الدجاج والخضار وحطيتي البهارات رصيهم مثل ما انتي شايفه
في الصينيه وغطي الصينيه بقصديره علشان انجهزه لدخول الفرن
هذا شكل الصينيه قبل لا تدخل الفرن
طيب وصلنا
دخليها الفرن وخليها حق ساعة او ساعة ونصف حسب يعني كل شوي شيكي
عليها وشوفيها استوت ولا لا …العاده تاخذ ساعة ونصف
المهم لا اطلعينها الا لما تلقينها استوت ولا تخافي ماراح تحترق لان الدجاج
والخضار فيهم كميه ماء ….لازم تتبخر ..
الحين شوووفو شكلها بعد ما طلعت من الفرن واستوت
بس احلى ما في هالطبخه انها سهله ولا تحتاج لمقادير …كل واحد
حسب رغبته وحسب عدد الاشخاص ..
تاكلونها بالرز الابيض ….والروب …او الخبر والسلطه ..
وأنا تقريبا أسويها بهالطريقه
يزاج الله خير