خواتي صارت مشكلة كبييييييييييييييييرة وابي من اصحاب الخبرة يساااعدووووني
ببدي بالمشكلة على طوول
من فترة كان عندنا عرس وانا رحت الصالوون عشان اتعدل، وسوت لي الكواافيرة شعري ، طلع واااايد حلو مع لون الصبغة اليديد، حتى ان الكل عيبتهم التسريحة ويا لون شعري، وهني بدت مشكلتي، طلبت مني الكوافيرة انها تصور لي شعري بسس، عشانها حركة يديدة وتبي تصورها عسب تحفظها، المهم انا رفضت بالبداية بس يلست تحلف لي انها ماراح تراوي حد ومن هالكلام..، وبعدين من ربشتي انا رضيت ، والله العظيم ماعرف كيف رضيت هذاك الوقت، وعقب يومين استوعبت السالفة، ومارتحت، واستغربت من عمري كيف رضيت انها اتصور لي شعري مع العلم موبس انا الي صورت لي صورت عيوون بنات ثانيات موجودين بالصالون من عقب ماعدلتهم، المهم ، ابي اتصل عليها عشان تمسح الصور وهي وضميرها عاد، ادري انه فات الاوان بس علو وعسى..، والمشكلة الكبييرة اني حسيت بتانيب الضمير وخبرت ريلي، وقلت له السالفة، ريلي عصب علي، وسمعنى من هاك الكلام الي اول مرة اسمعه منه، من صج كاان واااايد معصب ، والله اني غلطاانة وندماانة بعد، بس ماعرف كيف اتصرف من ناحية هذي الكواافيرة والاهم من ناحية زوجي،،، احس انه كرهني ، وكل يوم يسمعني كلام يجرح، وانا ماارعف شقول له،يقول لي بعد انا لي دهر ماارح اسامحج على الي سويته، مب عارفة كيف يفكر زوجي، وشو بيستوي لي، وخايفة ومنشغل بالي على السالفة، وهذي مالت الصالون قلت لكم ماعرف كيف اوصل لها يقولون لي انها سافرت، والله اني محتاارة وابي اصلح غلطي..
واهم شي ابي ارجع ثقة زوجي فيني ، دخييييلكم شورو علي شسوي؟؟؟ وادعوووولي
سيري لها الصالون واذا مثل ما قلتي انها سافرت
وكلي امرج لربج
وادعي انها تمسح الصور اللي عندها ولا تراويهن حد
واستغفري وصلي قيام الليل وادعي ربج ان الله يهدي ريلج من صوبج وينسى اللي صار
كلنا ساعات نتصرف تصرفات ماندري كيف سويناها ورضينا فيها ..
بس العاقل مايكرر الغلط مرتين ، ويستفيد .. والله يستر عليج دنيا وآخرة ..
والله يهديج مب كل كلام لازم تقولينه حق ريلج .. ساعات بعض الامور من الأفضل نحتفظ فيها لنفسنا دام رب العالمين ستر علينا ، عشان مانفقد الاحترام ,,
بس صدقيني أزمة وبتعدي ، وربي يسهل امورج ، ويفرج همج .. آآآآآآآمين