السالفه من كمن شهر صايره و من يومين عرفت.
انا مزوجه من ٥سنوات و عندي الحمدالله ولد وبنت ربي يحفظهم, زوجي يحب يكلم بنات و دوم اشوف مسجات في تلفونه و دايم ضرابتنا ع الي اشوفه منه ,وصرت دايم اشك فيه, لين يتني فتره تشبعت فيها من الضرابه و الشك وقلت في خاطري اسكتي وطنشي,وتميت جي فتره اشوف الغلط و اسكت,لين من كمن يوم شفت الريال متغير اسلوبه معايا ومايطلع ومضايج,وقعد ع هاي الحاله ٤اياام وانا ما وقف من السوال شو فيك ؟ مامن شر؟ماشي فايده……
لين ياني وقالي انه متعرف ع وحده من ٥ شهور ويشوفها يوميا وترقد معاه بالحرام واخر شي سرقت دفتر شيكاته و وزورت توقيعه و سحبت ٣٠ الف و هددته اذا بلغ عليها بتفضحه وبتقول انه راقد معاها لان دوامه مهم وبيتحاسب اذا عرفوا.
وقعد يتسامح مني ويقولي انتي يوم تطلبين مني ما اعطيج و هيه سرقتهم مني وقعد يقولي كل شي سىواه معاها و انا ساكته بس كارهتنه ويوم خلص يتني حاله قعدت اضربه و اصيح وافر عليه اي شي جدامي ,,,,جان يقولي شي لين اموت مابنساه (الي كانت تسويه لي انتي عمري ماسويتيلي اياه, تحطلي تاتوه,تتعدلي وتسويلي حركات)
مع العلم انا شفت صورتها و الله يغنيكم عن ويها انا ما بمدح عمري بس الحمدالله انا جميله وكل الي اقدر اسويه كنت اسويه,المشكله انه يشوفها زينه حتى لو سرقته.
عطـــــــــــــــــــوني الحــــــــــــــل دخيلكم لاني وايد مضايجه واتريا ردودكــــــم.
ربي عاقبه بالمال ويمكن الفضيحة الي ما سكتها البنت عليه الله يهديه هو اعطاها فرصة وهي بايعة عمرها عشان الفلوس
نصيحة من عندي انبي ريلج بالدين وشو سوى خليه يحس الي سواه شيء كبير
ما اعرف شو اقول زيادة ربي يعينج ويهدي ريلج
اولااا لانه الشيطاان يزين له الحراام ويوسوس له دوم بذكريااتهاااا
وثاانيااا هو يدور له عذر للخياانه انهاا تحط وتتعدل .. ومااظنتي انتي مهمله عمرج !!!!
عزيزتي انصحيه يتوب لرب العاالمين وهذاا انذاار من الله .. والحمد لله انهااا شلت بيزاات
ماا ياابتله مرض والعيااذ بالله !!!!
حثيه على الصلاااه لانهاا تنهى عن الفحشااء والمنكر يمكن الله يهديه وتكسبين اجر من ورااه فديتج
الله يسخره لدينه ولج ويسعدج ياارب
استهدي بالله اختي شوفي اللي سواه فيج الله جازاه فيه وزود
ماعرف كيف ريال يسوي شي حرام ويجي يرقد ويا مرته
مايخاف يكون فيها مرض وعقب بتنقله له وهو ينقله لزوجته وعياله
احس الرياييل ماعندهم مخ في هالاشيا بذات مايفكرون بعقلهم يفكرون بشهوتهم وبس
طيب حطت لك تاتوه وخير ياطير
عمرك ماشفت تاتوه مثلا لهالدرجه وصلت
انتي قلتي بلسانج تتعدلين وتسوين شو يبا بعد
بس هاييله مايملي عنهم الا التراب
اسمحيلي اختي بس صج تنرفزت
وماعرف شقولج الصراحه احس مب قادره افكر ><
يعني زعلان غ البيزات ومب زعلان ع الزنا والاثم الكبير لي سواه
يتوب لربه لي خسر فلوس والا خسرر حياته قبل التوبه