شحالكن انا من شهرين تقريبا مادشيت انا كنت مطلقه وعرست الحمدلله المهم الحين استوا لي شهر معرسه انا بصراحه مب حلوه وايد يعني نحيفه وسمرا وشعري قصير وويهي وايد وايد محبب من كثر ماالعب فيه واحط خلطات وكل دمكان ف جسمي لون وكله شعر وعلامات ولله الحمد وريلي يشوف ها الاشيا كلها وبالع وحليله بس هو طيب مايجرح بس يلمح
المهم الحين انا عندي خواته وايد وايد حلواب ملكات جمال قول لبنانيات هن وبناتهن ماشاالله وطيبات بعد بس شو اسوي صعب الوحده تعيش بين ناس كلهم احلا عنها وريلي يمدبح فيهن خواتي حلوات وهاذي ملكة جمال موقصده يجرحني بس يقول رايه الحمدلله بس الواحد يقول الحمدلله
ابا نصايح منكن كيف اهتم ف نفسي وجسمي وكيف اتعامل مع الي احلا عني ترا حتا ريلي احلا وابيض عني بوايد
الف الف الف الف مبروووووووووووووووووووووك الزواج حبيبتي فرحت لج والله ^^
وعن الجمال
صدقيني اكيد انتي فيج اشيا بعد حلوه بس انتي هب منتبهه لها
وقفي يدام المرايه شوفي شو هي المناطق اللي فيج غاويه ترمين تهتمين ابها اكثر
وعن الحبوب سيري عند دكتوره جلديه تعالج لج هالشي
وسيري صالون مخبريهم عالشعر اللي يظهر لج وصدقيني بتلقين له حل
ابتدي من الحين ومع الايام راح تشوفين التغيييير
ودشي قسم البشره راحح تستفادين وايد من الخلطات حقت البنات
وسوي سيرش بقوقل عن الخلطات اللي تحتاجينها باي مكان بجسمج بتحصلينها بالهبل ^^
اتمنالج التوفيق حبيبتي^^
خذيهي قاعده لج 0انظر لنفسك كما تحب ان ينظر الناس إليك.
دايما جوفي نفسج جميلة بالعكس هذا شي بينعكس عليج ايجابيانا وحتى لو كنتي مو جميلة بيبدون يجوفونج جميلة (الثقة بنفس الها دور كبير)
الجمال مو جمال الشكل جمال الروح والاخلاق
اذا انتي هذي نظرتج لنفسج ما بنقدر نغيرها .. كل بنت حلوة بس في بنات يطلعون جمالهم وفي بنات ما يعرفون كيف يبرزون جمالهم ..
تقدرين تتعلمين بنفسج .. او تقدرين تتقربين من حمياتج وتتعلمين منهم دام ريلج يعيبه أسلوبهم
بختصار ابدي التغير بنفسيتج وتفائلي وعالجي الحبوب وغيرها
شوي شوي بتزيذ ثقتج بنفسج حبيبتي
ربي يوفقج الغاليه
بس انتي وااااايد تقارنين نفسج بغيرج و تنبشين العيوب مع انهم تغنوا بالسمر و الشوام من كثر ما يحبون هاللون يسمون بناتهم سمارى ..ثانيا الجمال منبعه الكلام الطيب والتعامل الحلو .. اما الكل هو هو ماراح تغيرين ملامحج لان اهتمي بنفسج واكيد هاالعلوم ما تخفى عن حد هالايام .. الله يسعدج ويوفقج ان شاء الله
يامكثر الريايل اللي عرسو على بنات ملكات جمال وعقب تطلقو وإلا عرس عليها
لأن الجمال الخارجي بروحه مب كفايه ولا سبب بالسعاده والراحه النفسية
فإنتي خليج مرحه وطيبه مع ريلج لا تركزين بسوالفج معاه على المظاهر وايد ترا أمرها سهل ^^
والمشاكل اللي عندج طبيعية وموجوده عن كل بنت مب بس إنتي غريبه إنج مب عارفه كيف تحلينها !!
قلتي إنج تحطين خلطات فإنتبهي ترا محد يدمر البشره إلا الخلطات وخاصه اللي كلها كريمات ماتدرين شو مكوناتها وأخرتها تعدم بشرتج وتطلع حبوب وكلف
احسن شي تستخدمين أدويه طبيه وإلا شي طبيعي
بروحج جربتي وشفتي نتيجه الخلطات فإستغني عنها احسن
بالنسبه لويهج روحي عياده جلدية وسوي تقشير وبتروح كل العلامات ويرد ويهج طبيعي مثل البيبي وشحلاته بس إستمري بالعلاج
وشعرج شو المشكله إذا كان قصير الحين الموضه الشعر قصير
روحي الصالون وسوي إشتراك بحمام زيت وإهمتي بتغذيته
مب مهم طوله المهم يكون صحي وشكله مرتب
وجسمج مافهمت عليج في كل مكان لون وعلامات وشعر قصدج مشعره يعني ؟؟
شيلي بحلاوة وإلا ليزر وخلاصنا وسوي حمام مغربي كل إسبوع وبيتوحد لونه مع الوقت
وخلي أكلج صحي كثري خضار وفواكه لأن كل شي تاكلينه بينعكس على بشرتج ولونها
وأكيد إنتي حلوة بس مب منتبه على نفسج لا تقارنين نفسج مع الناس غيري طريقة تفكيرج ولاتصيرين سطحيه وتغرج المظاهر بس خلي ثقتج بنفسج عالية إهتمي بنفسج وبتمشي أمورج
وربي يوفقج إنشاء الله ^^