خواتي بموت من القهر تعالوا قولولي شسوي لاني خلاص وصلت حدي لتربية طفلك

هلا خواتي الغاليات

الصراحه انا اليوم وايد متضايقه ونفسيتي تعبانه والسبب زوجة واحد من الاهل … الله يسلمكم هذا اللي من اهلي ساكن ورا بيتنا .. وبيتنا وبيته كلهن طابقين وكاشفات على بعض يعني هم يشوفون حوينا طبعا من جهه وحده ونحن نفس الشي … علشان جيه انا كل مابغيت أطلع اسير المطبخ أطلع وانا لابسه شيلتي وجلابيتي يعني أطلع بلبس محتشم … وبسرعه بعد أخلص شغلي ورجع أدخل … لكن زوجته يوم تطلع في الحوي تطلع وشعرها مكشوف لا شيله ولا شي ولبسها ززززفت والله انها تطلع ابجامه وتم تتمشى وترمس بالموبايل من جهة بيتنا كأنها متعمده تسوي ها الحركات علشان أنشوفها .. وعلى فكره تراها مواطنه xxxxxxxxxx

الحين خواتي انا مب عارفه شسوي انا أغار على ريلي موت وما أرضا انه يشوفها جيه واللي خلاني اليوم أكتب وشكيلكم انها تمادت أكثر تخيلوا اليوم الظهر طالعه في الحوي ويا ريلها تتمشى ولابسه بنطلون وقميص من غير أكمام يعني أيدها كلها برع صدق ماتستحي على ويها

حتى ريلي شافها وزقرني قالي تعالي شوفي فلان ويا حرمته ليش جيه مخلنها؟ الصراحه طاح من عيني
قلت له خله يولي لو يستحي على ويهه جان حشم حرمته

انا يوم خبرت أخت ريلي وقلتلها لازم أحطي حد للموضوع لين متى بسكت ؟ قالت بيقولون نحن في بيتنا وحرين … وعادي تتبلى عليج وطلع عليج رمسه مب عدله ترا اللي ما تخاف من ربها تسوي كل شي وهاذي وحده ماتخاف ربها وعلى فكره ترا عندها عيال للاسف يعني أم والمفروض تحترم نفسها وتحترم ريلها وعيالها والمفروض قبل هذا كله تخاف ربها وتعرف انه يشوفها ويشوف تصرفاتها

بس خواتي انا خلاص طفح الكيل عندي والله اني كرهتها كره .. ليش يعني ماتتمشى ألا في الجهه المقابله لبيتنا ؟؟؟

والله مب عارفه شسوي أخاف اذا رمست تزيد من حركاتها عناد فيني واذا سكت تراها بتم على نفس الحركات

قولولي لو أنتوا مكاني شو بتسون؟؟

أستغفر الله العظيم
ولا حول ولا قوة الا بالله العلي العظيم
وحسبي الله ونعم الوكيل

ملااااااااحظه : نحن مب يالسين نراقبهم بس بيتنا من صوب بيتهم كله جامات زجاجيه من عند الدري يعني غصبا عنا نشوفهم ونحن طالعين ونحن نازلين فهمتوا قصدي؟ خاصه في النهار أما في الليل مايبان شي وهم عارفين ها الشي لان البيتين وايد قراب من بعض يعني المفروض هم يحشمون نفسهم ويحترمون الجيره مثل ما نحن محترمينها . والمفروض على الحرمه تلبس لبس محتشم لانها عارفه ان لبيوت مكشوفه واذا بغت تطلع وهي متكشفه تطلع على الاقل بالليل مب بالنهار عينك عين .. عيل ليش انا كل ما أطلع البس لبس ساتر ومحتشم ؟ لاني عارفه اني بكون مكشوفه ألهم مثل ما أنا احسب لهم حساب المفروض هم نفس الشي ولا انا غلطانه؟ يعني هي ترضى زوجها يشوفني وانا كاشفه؟ أكيد لا.

يعني ليش اتمون تشوفونهم ؟؟ وريلج المفروض يغض بصره مب يقولج تعالي وشوفي جان قلتيله غض بصرك احسن من تسبين الحرمه هي قاعده ببيتها

ما ادري بس حاولو تحطون حل بدون مشاكل وانتو حاولو ماتشوفونهم وبيس لاني ما اعرف كيف وضعكم اصلا

الله يهدي الجميع يارب

ان لا نحاول ان ننظر في مابين الثقوب

انتو المفروض ما تراقبونهم

المشاركة الأصلية كتبت بواسطة أم عبادي وحسوني

اختي بصراحع ما ادري شقول بس هم ببيتهم يعني انتو المفروض ماتشوفونهم

يعني ليش اتمون تشوفونهم ؟؟ وريلج المفروض يغض بصره مب يقولج تعالي وشوفي جان قلتيله غض بصرك احسن من تسبين الحرمه هي قاعده ببيتها

ما ادري بس حاولو تحطون حل بدون مشاكل وانتو حاولو ماتشوفونهم وبيس لاني ما اعرف كيف وضعكم اصلا

الله يهدي الجميع يارب

الغاليه نحن مانتعمد نشوفهم أصلا نحن بيتنا من عند الدري كله جامات يعني ونحن نصعد ولا ننزل الدري غصبا عنا أتي عيونا في حويهم وهم عارفين وشايفين ان بيتنا كله جامات من صوبهم.

المشاركة الأصلية كتبت بواسطة ÷ ~ امـ حمد ~ ÷

هي اخطأت….

وزوجكِ اخطأ..

كان من باب اولى انه عندما رآها يغض البصـر وينتهي الامر

علينا ممن هم في منزلنـا ولا يحق لنـا ان نتدخل مافي منزل الغيـر

ومن واجب الجيـرة…

ان لا نحاول ان ننظر في مابين الثقوب

أختي احنا مانتعمد النظر بس مثل ما قلت من قبل بيتنا كله جامات زجاجيه من صوب بيتهم .. والمفروض هم يحترمون الجيره ويحشمون نفسهم لانهم عارفين ان البيت كاشف .