خواتي المعرساات والمقبلات ع العرس من هل بوظبي بغيت منكم حاايه ^^" حيااكم اتفضلوو لاناقة المرأة

السلام عليكم ورحمه الله وبركااته

هذي اول مره اطلب منكم حايه ويليتكم ماتردوني لاني صدق محتاره وجعله الله في ميزان حسناتكن
حبيت استفسر منكم عن الزهبه لان عرسي شهر 12 وللحين ماخلصت ولا شي
الفلوس عطوني ياهم من زمان 202400 درهم من غير المهر طبعا ووهم عليهم كل شي انا مايخصني في شي والميك اب والعنايه بالبشره والتصوير ع حساب هلي

حبيت اسأل عن اماكن تفصيل فستان العرس وفساتين السهره؟..
وعن كيف اقسم الفلوس؟..
وعن احسن الاماكن للعنايه بالبشره في بوظبي؟..
وين تنصحوني اسوي الزفه والبوم العرس؟..
وعن العنايه البيتيه بالبشره؟.
وين اقدر افصل ثوب عربي مال اول اللي ينلبس مع قرداله؟.
وتسون فيني خير اذا عطيتوني جم نصيحه عن العرس والله بمووت من التوتر لان عمري ماقد تعاملت مع ريال غير محارمي^^"
وين الاقي كفرات فخمه والكفر الرئيسي للعرس؟
باختصاااااااااار كل شيء عن العرس لاني صدق تعبت من التفكير

وجزااكم الله خير
ومشكووورين ياااحلى خوااات

فديتني أنا أول وحده أرد عليج ومبروك يا عروس وعقبالي امس كانت النظرة الشرعية وإدعيلي وياج إن الله يتمم لي على خير المهم

صح بعدني ما صرت عروس بس طول حياتي أعتمد على التخطيط وترتيب الميزانية فحاولي ما تصرفين كل شيء على الملابس وزهبة العرس لأن ممكن وزنج يتغير عقب العرس وعن أماكن تفصيل الفساتين عندج هزار بدبي ودار ناريمان عنها شغلات حلوه للعرايس وتقاسيم في بوظبي وريم الحوسني بعد تأجر وفساتينها تخبل صج وتتعامل مع مصمم مشهور بس والله نسيت أسمه الحين ما يحضرني وعن تنظيفات البشرة البنات ما بيقصرون وياج والمنتدى ماشاء الله الخلطات الطبيعية على أفا من يشيل فديتج وعن مراكز التنظيف سيري أستثيك عند ميرا أو فيس وعندج مركز تيب سانتوس في المارينا مول الطابق الثالث تنظيفاتهم إجنن إخبال صج وفتحوا فرع في شارع الخليج العربي وفيه حمام مغربي عندهم بعد يخبل وأنا مجربته وعندهم بعد سوالف البيديكير والمنكيوووووور بعد تجننننننننننن وعن تفصيل الثوب العربي سيري عند منى المنصوري إلي محلها بالخالدية وبتفيدج بهذا الخصوص عندها موديلات بعد حلوه وبس تعبت عقب بكملج بس لا تنسين إدعيلي فديتج يا أحلى عروس وبتوفيق ،،،،،

عندي افخم وارقى واروع الفساتين…تعالي وانتي احكمي!!!……. بالإضافه وصلتني تشكليه يديده خباااااال….

محل ذا بريتي لاماغيه فاشن لتأجير فساتين العرايس (الفخمه) والسهره والحنه والملجه الحمل يرحب فيكم في بوظبي…كل الفساتين من أشهر المصممين في دبي وبوظبي أروشي، إزرا، أماتوا، رامي العلي، مايكل، آدم، الزابيث، ريمون وغيرهم…وعندي كل المقاسات والالوان…..للتواصل على الخاص
أم زايد

اول شي ألف ألف مبروك وعسى ربي يتمم لك على خير
اختي انا مصممه أزياء من السعوديه كنت عايشه في الامارات
المهم أنا ممكن اصمم لك موديلات عن طريق النت ..يعني توريني القطعه وانا اصمم لك عليها الموديل المناسب
ايام ماكنت عندكم في الامارات كنت اصمم القطع لمحل بعد ما اشوف قطع الزباين وصاحبة المحل تنفذ التصميم
ولا زالت تطلب مني تصاميم جلابيات وقمصان نوم ومرابي وسهرات عن طريق النت
فأذا حابه ممكن نتواصل وانا في الخدمه
وعسي ربي يوفقك ان شاء الله ويحقق لك مرادك

هلا عزيزتي..
مبرووك أولا يالعروس ^^

ومثل ماقالوا خواتي..قسمي بيزاتج ولاتصرفين وايد لانج عقب بتندمين

وكثري من الذهب

وبالتوفيق

هلاا غناااتي
اول شيء الله يتمم عليج بخير ان شاء الله ويصير اللي في بالج ^^"
مشكووره غناااتي واايد واايد وان شاء الله برروح المحلاات اللي قلتيهن شورج وهدايه الله
واناا متاكده بلاقي اللي ابااه لانج انتي اللي دليتيني غنااتي

وتسلمين على ردج ومرورج العطر