من الصبح ما ادري اشفيه علي
اليوم نازل من الدوام
المفروض الظهر يوصل
كلمت الساعه وكان طالع
قالي اتغدي لا تترييني
وساعه 3 كلمت قالي بتاخر ابا اكون بروحي ابا اتم مع نفسي شوي
قلت براحتك
ورقدت و صل الساعه8
وانا مضايقه من تصرفه
بالعاده فالدرب يتصل و يسولف
لما كلمت الساعه 3 وقالي بتاخر
سكرت
لا هو اتصل ولا انا اتصلت حسيت وايد اذل عمري
لو هو يبا يرد جان كالعاده رد الظهر اتغدى وياي
بس على قولته ابا اتم بروحي
لما وصل كنت عند عمتي وما سلم ولا جنه يشوفني مع انه دش يضحك و يسولف
ولاعب بنته
لما دشيت الغرفه
وقلت له ما سلمت علي
قال انا سلمت عالكل
وعقب تميت ساكته لاني مضايقه من حركاته وتجاهله لي والله ما صار بينا شي
عقب قلت له بلاك علي قال ماشي بس شكلج تبين تتضاربين
سكت وانا بصيح من الغصه
عقب طلع عند اهله وعقب عند ربعه
رمسته اساله انت وين قال عند ربعي برجع اخذ غرض وبرد عندهم
لما وصل كنة لابسه وكاشخه وحاولت اتقرب واعرف شو بلاه بعد ما قدرت قلت بتتاخر قال هي يمگن 1 او 2 ما اعرف
قالي ارقدي لا تتريين
قلت ما وحشتك
قال بلا حركات مراهقين وطلع
وللحين ما يا
شو تنصحوني
مضايقه ومب عارفه ليش هالتجاهل
<<<<خبيثه صح هع هع
يعني اثقلي عليه شوي يوم يرد البيت لاتقوليله حمد الله ع السلامه ولا شي لانه ايلي عليش سويتيه وزيااده
اقلبي السالفه عليه وكثري من الدعااء انه ربي يهديه ويصلح حاااله نقدر نقول انه مضاايق من الدوام
الخ بس هذا مش عذر يزعلون من الدوام يحطون حرتهم ع حريمهم وهي تجبر بخااطره وهو شايف نفسه
افففففففف الله كريم
لا تثقلين عليه بأسألتج
كوني ريلاكس وفرفوشه عشان مايحس انج تغثينه وحشره
طرشي له مسج انت فيك شي حيااتي شووفيك
انا زعلتك بدوون ما ادري انزين قووولي ؟؟
لاتخليني شي مظاااايقه وافكر فييك
وانا ما رااااح اناااااااام لين اعرف شو فيك
وبنتظرك ؟؟؟
يمكن مظايق من حد او من دواام معلي تحملي
وبيني له انج مهتمه مو طاااااف
والبسي وكشخي ويووم بي ابتسمي
خلج كووووول يمكن في شي مضايقنه ومايبا يقولج
كوني العكس وبتشوفين يوم بيهدا روحه بيركض وراج وبيرمسج
جربي وشوفي بنفسج
والله يهدي كل الريايل