بالنسبة للقيمات اللى بالسمسم ما اعرف طريقته .. بس عندي لقيمات ما خذتنه حق وحده من منتدى ثاني .. وكل من جربه مدحه انه من داخل لين بس من برا مقرمش
المقادير
2كوب طحين ابيض
3 ملعقه أكل نشا
م أكل حليب بودر
2 م أكل كبيره زبادي
2 م أكل زيت
بطاطه متوسطه مطبوخه بالماء ومهروسه جيدا
م أكل خميره
وماء دافي
الطريقة
1. ذوبي الخميره بالماء
2. اخلطي المواد الجافه وبعدين حطي الزبادي وبعدها الماء (اضيفيه شوي شوي لما تتكون عندج عجينة القيمات) وخليها لما تخمر
3.بعد أن تتخمر اهرسي البطاط واخلطيها مع العجينه واقليها بالزيت
طريقة الصب حتى يكون شكلها مكور ومتساوي
1. خذى كمية من العجيين بيدك اليسار كانك تعصريها
2. بيدك الثانية تكون معك ملعقة صغيرة وجنبك فنجان زيت
3. اغمسى الملعقة بفنجان الزيت ثم اقطعى من العجيين التى فى يدك وارميها بالمقلى
4. تسقى بالشيره