خلونا نتناقش عن اهل الزوج؟ لتربية طفلك

خواتي الغاليات حلونا نتناقش عن فن التعامل مع اهل الزوج اذا كنتي عايشه معاهم في بيت واحد
وشو هي التقنيات اللي تستخدمينها عشان تتجنبين المشاكل معاهم وانج تقدرين تعيشين بسلام وياهم؟؟؟؟

اتريا الردود يمكن نستفيد حاليا مقدر اقول اي شي

بكل اختصار عامليهم مثل ما تبينهم يتعاملون وياج كوني وياهم طيبه يكونون لج اطيب

هذا لو هم طيبين بس لو مب طبيين كييييييف ؟؟؟
الاحسن الوحده ماتسويلهم سالفه من اول يوم عرسها ولا عقب كل شي بيطيح براسهاا
الطيبه هالزمن ماتنفع معاهم والله المستعان

عين الصواب وعن تجربه وفي مثل يقول روح بعيييد وتعال سالم

ايلسي معاهم بس لا تاخذين وتعطين وايد يعني كلمه ورد غطاها والله احسن

أنآ عآيشع عندد أهل ريلي بس آلحمدلله كل شي تمآم

أهم شي مآ تآخذين وتعطين ويآهم وآيد وآيد يعني خلج طيبه ويآهم وسولفي ويآهم

بس بحدود وآلله يوفق آليميع

حبيبتي………. حاولي تسايرينهم شوي ….. ودايما قدمي هدايا للعمه….. ولخوات ريلج….. ودايما خلج خدومه….. خليهم يعتمدون عليج….. يعني اذا محتايين شي قولي انا اقدر اسويلكم هالشي…. واذا بيروحون مكان قولي بخلي ريلي يوصلكم…. وبين الفتره والثانية دشي المطبخ وطبخي الغدا او العشا… وبالشهر مره او مرتين اذا بتظهرين السوق عزميهم معاج….ودايما مدحي خوات ريلج جدام عمتج…….. وصدقيني بترتاحين من الحشرة وريلج راح يستانس منج…. وهم راح يصيرون مثل الخاتم بيدج…..