خلطة خيال لبياض خالي من السواد للقضاء على السمنة

>><<
>><<
>><<
><
.
عندي خلطة للجسم لبياض وتوحيد لون بشرتج وتخليج منورة .. طبعا الخلطة هذي انا مجربتها بنفسي والحلو فيها انج تسووووين كمية وتستخدمينها كل ماتتسبحين يعني ماتحتاجين انج كل يوم تسوين خلطة

مكونات طبيعية ومتوفرة بكل مكان…
1. صابونة الكركم – وحدة فقط
2. صابونة جلسرين من نتيتروجينا – وحده فقط
3.صابونة الغار – وحده فقط
4. صابونة البابايا فروتي 4 في 1 .. الي تكون بعلبة ومقطع مكعبات صغار – وحده فقط يعني علبة
5. ماي ورد علبة كاملة
6. ربع ملعقة كبيرة كركم للجسم
7. ملعقة كبيرة ملح خشن
8. ملعقة وسط نشا
9. عدد 6 كبسولات فيتامين E الي اهيا عبارة عن كبسولات زيتية للجسم والوجه ( هذي تاخذونها من الصيدلية)

الطريقة
اول شي نبشر صابونة الكركم وصابونه الغار و صابونة البابايا ونحطهم بصحن مع بعض
وبعدين بصحن منفصل نبشر جزء من صابونة الجلسرين الي اهيا صابونة نيتروجينا لان راح ناخذ بس اربع معالق كبار من صابونة نيتروجينا ونقدر نحتفظ بالباجي

1. ناخذ قدر نحطة على النار ونحط فيه ماي الورد + اربع معالق كبار من صابونة الجلسرين (نيتروجينا) + كركم الجسم + ملح خشن
2. لما تذوب الصابونة وتبدي تندمج مع الخليط نضيف باجي الصابون الي بشرناه الي اهو صابونة الكركم وصابونة الغار وصابونة البابايا ونخليه على النار لين مايذوب الخليط و يصير مثل العجينة اللينة
3. نشيلة من النار ونحط النشا ونبدي نحركة عدل
4. اخر شي نضيف 6 كبسولات الفيتامين E … انتبهو يا بنات لازم تكسرين الكبسوووله وتضيفين بس الزيت .. مو تحطوووووون الكبسوله كلها اهيا والغلاف مالها
5. اخر شي نحط الخليط بعلبة نيلون او زجاج و نخليها لين ماتبرد
6. بعد ماتبرد على درجة حرارة الغرفة طبعا نغطي الخليط وتخلينها عندج بالحمام

طريقة الاستعمال
مع كل استحمام استخدميها كالتالي .. اخذي كمية وفكريها على جسمج كله حتى المناطق الحساسة والرقبة والوجة وخليها مدة 2-3 دقايق وطبعا اذا تخلينها 5 دقايق نور على نور وبعدين تفركي عدل وغسلي جسمج بماي دافي
وبعد الاستحمام دهني جسمج باي نوع كريم مرطب انتي تستخدمينه
والنتيجة ولا اروع من جذي

انشالله تجربووووووون الطريقة وتعجبكم لان صج صج فادتني والنتيجة تبين خلال اول شهر وطبعا كل ماستخدمتيها مدة اطول تصير النتيجة شي من الخيال .. عشان جذي مسميتها خلطة خيال… ((منقولــ ))

وموفقه ..

المشاركة الأصلية كتبت بواسطة برقع فوشي

حلوة الاكله .. أقصد الخلطه .. خخ

كل اللي فيها اوكي حق الجسم ومفيده ..
بس صابونة كركم تنشف بشرتي واااايد جربتها مرة ومن عقبها وقفت ..
يمكن لان طبيعت بشرتي جافه ..

وموفقه ..

ههههههههه ..

ونورتي موضووعي بمرورج الطيب ..

مشكووووورة ويزاج الله خير