خلطة الكيك الجاهزه للمطلقات و الرامل

ما اعرف والله …….بس احب الخلطة بالفراولة

الغاليه أفضل نوع بنسبه لي العلالي وأحب إلي بالكاكاو

انا ما اعرف كيف اسويه بس اليوم ان شاء الله ناوي اشتري من العلالي الكيكة الشوكليت ( على قولت العيايز الكيكة السودا ) واريد نسويها باجر بس انا ماكد سويتها …… مرة وحدة من الاهل سوتها وحطت عليها خلطة وطلعت وايد حلوة … والخلطة هيه ( علبه قشطة تحطينها في خلاط الكيك واتمين تحطين عليها كاكاو البودرة لحد ما تشوفين انه اللون اوكي ) وانا ان شاء الله بسويها جيه … عاد انا بخلي الخدامه تسويها <<<< اسميج عيازة ..كيك جاهز وغالبنج خخخخخخخخخخخخ

انا خبيرة في هالكيك الجاهز ههههههههههههههههه

ينقذني في الحالات الحرجه ربع ساعه اتكون زاهبه وانتي تفنني في الاشكال

انا اللي اخذه اللي كرتونه ازرق عليه صورة الطباخ الابيض ماعرف اسمها والله

اتحطين ثلاث بيضات
ربع كوب زيت او ثلث
كوب وربع ماااي بااارد
اتخلطين المواد مع بعض بالخلاط عقب اتحطين الطحين شوي شوي لين اتصير العجينه متماسكه

وانتي وذوقج اما توزعينها في اطباق الورق او اتحطينها في صينيه مدوره او مربعه اللي يريحج

وتخبرزينها لين اتخلص وعقب اتفنني في الزينه

طبعا تقدرين اتذوبين جلكسي واتخططين الكيكه او تنثرين كاكاو بودره او اتسوين الكريمه

والسموحه منج

انزين نحط زيت في الصينيه ولا لا ؟

عزيزتي أحسن الأنواع العلالي ، واختاري النكهة اللي تبينها ..والمكونات محطوطة عالكرتونة وأعتقد إنها 3 بيضات ، ثلث كوب زيت وكوب وثلث ماي "إذا مب غلطانة"
وأنا آخذ نكهة الكاكاو سويه في الفرن ، وطبعاً لازم تدهنين الصينية علشان الكيك ما يلزق في الصينية واتحملي مسحة بس مب تغرقين الصينية …ههههه …ويوم تحطين الكيكة في الفرن لازم تكونين مسخنة الفرن من قبل ..ولا تشغلين الفرن من فوق بس من تحت وكلها ربع ثلث ساعة والكيكة جاهزة ..وقبل ما تستوى الكيكة كوني مجهزة هذي الخلطة :1 حليب محلى "المركز" و4 ملاعق نوتيلا ، واخلطيهم ..وأول ما تطلعين الكيكة من الفرن حطيها في صينية التقديم " وتكون أكبر من الكيكة شوي " علشان بتصبين الخلطةعلى الكيكة وهي حارة قبل ما تبرد ،وابشري فوقها كاكاو فليك ، وخليها في الثلاجة ساعة .وبالهنا والشفاء