خلصت زهبتي … والحمدالله …. لتكوني انيقة

هلا خواتي …. الحمدالله انا خلصت زهبتـــي وما باقي الى القليل
سامان كارفور على قولتهم …
والعرس شهر 7 ان شاء الله

المهم الاخوات ….

الكوشة عن طريق مركز ابو هيل للعبي … الطابق الثاني
عندهم فوق السبع محلات للكوش … بس احذري من المحل الاول على يمينج
تراه بياع كلام … وكلهم بيعطونج اسعار 35الف وطالع انتي اترومين اتنزلين من 22الف ونازل
بس ابشطارتج وثقلج … يعني لا تبينين عمرج ملهوفه وتبين هالكوشه ولا بتموتين من دونها

الفستان … ما شاء الله التاجرات الي بالمدونة وااايد
وانا رحت عن الاخت جروح وما قصرت معاي اختها

قمصان النوم … انا ما كثرة الان اصلن بتظهرين اف شهر العسل
يعني العين بتشوف والمخبى بيصرف … كلهن من سوق الشارجه الجديم للرخص
والاشكال متنوعه(ملاحظه واهناك خذيت بعد الملابس الداخلية والشلح ونعل ظهرة وبيجامات
وتنانير وقمصان وكت وغيرة)
وفي منهن من نعومي ومن العيون السود الي براس الخيمه

نعال العرس شريته 120 من سوق الشارجه اتخيلو …
والله انه حجمه وااايد اكبير …وعلى فكرة لونه ابيض والمشكلة ان فستاني بيج مع ذهبي
يعني ما يخصة .. قلت ماعليه باخذ رش ذهبي وبرشة
والله الي يقول انه هذا لونه يوم شريته
شفتوا يوم تدخلون السوق الجديم من جدا البحر صوب المكان المسكر والمكيف
خذوا الممر الي على يمينكم وروحو اخر محل هناك عنده نعل حق الاعراس

صالون للحنا عند مراسم 800 درهم بسير عندهم

الساعات
انا ابصراحه شريت 7 ساعات … من اب تاون مردف عن محل اسمه فوار غاليري
بس في اخوات بالمدونة عندهم ساعات ولا اروع وارخص ويوصلن لين عندج ..

والمكياج والتسريحه فالقاعه عند
الاخت ساره الحوسني…

والزفةسويتها خاصة عند الاخت
احلى عروس

والـــــــــــــــــخ …